Read Time:3 Minute, 21 Second
ހަތް ފަހަރު މަތިން ފްރެންޗް ލީގުގެ ޗެމްޕިއަންކަން ކުރިން ހޯދާފައިވާ އޮލިމްޕިކް ލިއޯން ދެވަނަ ޑިވިޝަނަށް ރެލިގޭޓް ކޮށްފި އެވެ. ފްރާންސް ފުޓްބޯޅައިގެ ފައިނޭންޝަލް ވޮޗްޑޯގް, ޑީއެންސީޖީ އިން ބުނެފައިވާ ގޮތުގައި ލިއޯން ދެވަނަ ޑިވިޝަނަށް ރެލިގޭޓް ކޮށްފައިވަނީ މާލީ ހިސާބުތައް ބެލެހެއްޓުމުގައި އެ ކްލަބުން އިހުމާލުވެފައިވުމުގެ ސަބަބުންނެވެ. ލިއޯން އާއި ދެކޮޅަށް އެންމެ ފުރަތަމަ ފިޔަވަޅު އަޅާފައިވަނީ މިދިޔަ އަހަރުގެ ނޮވެމްބަރު މަހު އެވެ. އަދި އެ ނިންމުން ދަމަހައްޓާ އެކަން ރަސްމީކޮށް އިއުލާން ކޮށްފައިވަނި އިއްޔެ އެވެ. 2002 އާއި 2008 ވަނަ އަހަރާއި ދެމެދު ފްރާންސްގެ ޗެމްޕިއަންކަން ހަތް ފަހަރު މަތިން ހޯދާފައިވާ ލިއޯން ދެވަނަ ޑިވިޝަނަށް ރެލިގޭޓް ކުރިއިރު ނިމިގެންދިޔަ ސީޒަނުގައި ތާވަލުގެ ހަވަނައިގައި އޮވެ ލީގު ނިންމާލުމާއި ގުޅިގެން ކުރިއަށް އޮތް ސީޒަނުގައި ޔޫރޮޕާ ލީގުގެ ފުރުސަތު އެ ޓީމަށް ވަނީ ލިބިފަ އެވެ.
ލިއޯންގެ %77 ހިއްސަ އޮންނަ އެމެރިކާގެ މަހުޖަނެއް ހިންގާ އީގަލް ފުޓްބޯލް ގްރޫޕް އިން ވަނީ އިނގިރޭސި ޕްރިމިއާ ލީގުގެ ކްލަބް, ކްރިސްޓަލް ޕެލަސްގެ %43 ހިއްސާ މީގެ އެއް ދުވަސް ކުރިން ވިއްކާލާފަ އެވެ. ކްރިސްޓަލް ޕެލަސްގެ ހިއްސާ އެ ކުންފުނިން ވިއްކާލާފައިވާއިރު މިދިޔަ އޮކްޓޯބަރ މަހު އީގަލް ފުޓްބޯލް ގްރޫޕް އިން ވަނީ 422 މިލިއަން ޕައުންޑުގެ ގެއްލުމެއް އެ ކްލަބަށް ވެފައިވާކަމަށް ބުނެފަ އެވެ. ދެވަނަ ޑިވިޝަނަށް ރެލިގޭޓް ކޮށްފައިވާ މައްސަލަ އެޕީލް ކުރާނެ ކަމަށް ލިއޯން އިން ބުނެފަވާއިރު 2022 ވަނަ އަހަރުގެ ޔޫއެފާ ޗެމްޕިއަންސް ލީގުގެ ސެމީ ފައިނަލުގައި އެ ޓީމުންވަނީ ކުޅެފަ އެވެ.
ފްރެންޗް ލީގުގެ ޗެމްޕިއަން ކަން މީގެ ކުރިން ހަ ފަހަރު ހޯދާފައިވާ ބޯޑޯ ވަނީ ބެންކްރަޕްޓް ވުމާއި ގުޅިގެން ދެވަނަ ޑިވިޝަނުން ހަތަރު ވަނަ ޑިވިޝަނަށް ރެލިގޭޓް ކޮށްފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0