Read Time:3 Minute, 6 Second
(ފޮޓޯ ކްރެޑިޓްސް: އެމްޑަބްލިއުއެސްއީ)
ދުވާލެއްގެ މައްޗަށް 1،000 ޓަނުގެ ފެން އުފެއްދޭވަރުގެ އާރުއޯ ޕްލާންޓެއް މާލޭގައި ބަހައްޓައިފިއެވެ. ރާއްޖޭގެ ފެން ކުންފުނި އެމްޑަބްލިޔުއެސްސީން އެކްސްގައި ކުރި ޓްވީީޓެއްގައި ހާމަކުރިގޮތުގައި މި އާރުއޯ ޕްލާންޓު މިހާރު ވަނީ މާލޭގައި ބެހެއްޓިފައެވެ. މި ޕްލާންޓު ބެހެއްޓީ އެ ކުންފުނީގެ އޮޕަރޭޝަން ސެންޓަރުގައެވެ. މި ޕްލާންޓާއެކު މިހާރު މާލޭގައި ދުވާލެއްގެ މައްޗަށް 28،000 ޓަނުގެ ފެން އުފެއްދޭނެއެވެ.
A new RO plant that can produce 1000 tonnes per day has been installed and commissioned in Male’ Operations Center. This increases the total production to 28,000 tonnes of water per day, further ensuring the safe water provision to the people.
This addition enables MWSC to… pic.twitter.com/XXRQixpjtL— Male’ Water and Sewerage Company Pvt. Ltd. (@MWSC_Official) June 22, 2025
މާލެ ސަރަހައްދުގައި އިތުރުވަމުންދާ އާބާދީއާއެކު ފެން ބޭނުންކުރާ އަދަދުވެސް އަންނަނީ އިތުރު ވަމުންނެވެ. އެހެންކަމުން މީގެ ކުރިން މާލޭގައި ދުވާލެއްގެ މައްޗަށް އުފައްދާ ފެނަށް ވަނީ ލޯޑުބޮޑުވެފައެވެ. އެހެންކަމުން މި ޕުލާންޓާއެކީ ރައްޔިތުންނަށް ފޯރުކޮށްދޭ ފެނުގެ ހިދުމަތް ފެންވަރު ރަނގަޅުކޮށް ރައްކާތެރިކަމާއެކު ފޯރުކޮށްދެވޭނެއެވެ.
މާލޭގެ އިތުރުން ރާއްޖޭގެ އެހެން ރަށްތަކުގައިވެސް ފެނުގެ ހިދުމަތް ފެންވަރު ރަނގަޅުކޮށް ރައްޔިތުން ބޭނުންވާ މިންވަރަށް ފެން އުފެއްދުމުގެ މަސައްކަތް ސަރުކާރުން ދަނީ ކުރަމުންނެވެ. މީގެއިތުރުން ރަށްރަށުގެ ފެން ޕްލާންޓުތައް ނިމިދިޔަ ސަރުކާރުތަކުން މަރާމާތް ނުކުރުމުގެ ސަބަބުން ދިމާވާ މައްސަލަތައް ހައްލުކޮށް އޮޕަރޭޝަނަށް ދަނީ ގެންނަމުންނެވެ. އެގޮތުން ދާދި ފަހުން އައްޑޫ ސިޓީގެ ގުޅިފައިވާ ރަށްތަކަށް ފެން އުފައްދާ އާރުއޯ ޕްލާންޓަށް ދިމާވި މައްސަލަ ހައްލުކޮށް، އޮޕަރޭޝަނަށް ވަނީ ގެނެސްފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0