Read Time:3 Minute, 4 Second
(ފޮޓޯ ކްރެޑިޓްސް: ވަގުތު)
2028 ވަނަ އަހަރު އޮންނަ ރިޔާސީ އިންތިހާބުގައި ވާދަ ކުރައްވަން ކުރީގެ ރައީސް އިބްރާހިމް މުހައްމަދު ސޯލިހު ނިންމަވައިފިއެވެ. ސޯލިހު ކުރިއަށް އޮތް ރިޔާސީ އިންތިހާބުގައި ވާދަކުރައްވާނެ ކަން އިއުލާންކޮށްފައިވަނީ އެމަނިކުފާނުގެ ޓީމުގެ ބޭފުޅުންނާއެކު ބޭއްވި ކެއުމެއްގެ ތެރެއިންނެވެ. ރައްޔިތުންގެ މަޖިލީހުގެ ކުރީގެ ރައީސް މުހައްމަދު އަސްލަމް ވަނީ މިކަން “ވަގުތު”އަށް ކަށަވަރުކޮށްދެއްވާފައެވެ.
2028 ވަނަ އަހަރު އޮންނަ ރިޔާސީ އިންތިހާބުގައި ސޯލިހު ވާދަކުރައްވަން ނިންމާފައިވާއިރު، އެމްޑީޕީގެ ރައީސް އަބްދުﷲ ޝާހިދު އާއި އެމްޑީޕީގެ ޗެއާޕާސަން ފައްޔާޒު އިސްމާއިލްގެ އިތުރުން ރައްޔިތުންގެ މަޖިލީހު ހުޅުމާލޭ ދެކުނު ދާއިރާގެ މެންބަރު ޑރ.މުހައްމަދު ޝަމްހީދުވެސް ވަނީ މި އިންތިހާބުގައި ވާދަކުރައްވަން ޝައުގުވެރިކަން ފާޅުކުރައްވާފައެވެ.
ސޯލިހު އަކީ 2018 އިން 2023 އަށް ރާއްޖޭގެ ރައީސުލްޖުމްހޫރިއްޔާއެވެ. ނިމިދިޔަ ރިޔާސީ އިންތިހާބުގައި ސޯލިހު ވަނީ އިތުރު ދައުރަކަށް ކުރިމަތިލާފައެވެ. ނަމަވެސް 2023 ވަނަ އަހަރު ރިޔާސީ އިންތިހާބުގައި ކާމިޔާބީއެއް ނުލިބުނެވެ. ގިނަ ބަޔަކު ގަބޫލުކުރާ ގޮތުގައި އެ އިންތިހާބު ސޯލިހުއަށް ކާމިޔާބު ނުކުރެވުނު މައިގަނޑު ސަބަބަކީ އެމްޑީޕީ ދެބަޔަކަށް ބެހި ޕާޓީ ތެރެއިން ދި ޑިމޮކްރެޓްސްގެ ނަމުގައި އިތުރު ސިޔާސީ ޕާޓީއެއް އުފެދި މެންބަރުން ބައިބައިވެގެން ދިޔުމެވެ. ނަމަވެސް ކުރިޔަށް އޮތް އިންތިހާބުތަކުގައި އެމްޑީޕީއާ ގުޅިގެން މަސައްކަތް ކުރުމަށް ކުރީގެ ރައީސް މުހައްމަދު ނަޝީދުގެ އިތުރުން ޑިމޮކްރެޓްސްގެ ބައެއް މެންބަރުން ވަނީ އެމްޑީޕީއާ ގުޅެން ނިންމާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0