Read Time:3 Minute, 2 Second
އެމެރިކާ އިން އީރާންގެ ނިއުކްލިއާ ފެސިލިޓީތަކަށް ހަމަލާ ދިނުމާ ގުޅިގެން ޔަމަންގެ ބޮޑު ބައެއް ކޮންޓްރޯލް ކުރާ ހޫތީ ހަނގުރާމަވެރިން ވަރުގަދަ އިންޒާރެއް ދީފިއެވެ. ހޫތީ ގްރޫޕްގެ މެމްބަރެއް ކަމަށްވާ މުހައްމަދު އަލް- ފަރަހް ބުނީ އެމެރިކާގެ ރައީސް ޑޮނަލްޑް ޓްރަމްޕް ބޭނުން ވަނީ ހަނގުރާމަ ނިމުމަކަށް ގެންނަން ނޫން ކަމަށެވެ. އަދި އީރާންގެ ނިއުކްލިއާ ފެސިލިޓީތަކަށް އެމެރިކާ އިން ބޮން އެޅުމަކީ ހެދި ގޯހެއް ކަމަށް ވެސް އޭނާ ބުންޏެވެ. “ނިއުކްލިއާ ފެސިލިޓީއެއް ހަލާކުކޮށްލައިގެން އެއީ ހަނގުރާމައެއް ނިމުމަކަށް އައުމެއް ނޫން. އެއީ ފެށުން،” ހޫތީ އޮފިޝަލް ބުންޏެވެ.
އިސްރާއީލް އާއި އީރާންއާ ދެމެދު ކުރިއަށްދާ ހަނގުރާމައިގެ ތެރެއަށް ވަދެއްޖެ ނަމަ، އެމެރިކާގެ ބޯޓުތަކަށް ހަމަލާތައް ދޭނެ ކަމުގެ އިންޒާރު މީގެ ގަޑިއިރުތަކެއް ކުރިން ހޫތީ ހަނގުރާމަވެރިން ވަނީ ދީފައެވެ. ހޫތީ ހަނގުރާމަވެރިން މީގެކުރިން ވަނީ ރަތް ކަނޑުން ދަތުރު ކުރި ބޯޓުފަހަރުގެ ތެރެއިން އިސްރާއީލްއާ ގުޅުން ހުރި އަދި އެ ގައުމަށް ވާގިވެރިވާ ބޯޓުފަހަރަށް ހަމަލާދީފައެވެ. އެކަމާ ގުޅިގެން އެމެރިކާގެ މަތިންދާ ބޯޓު އުފުލާ އަސްކަރީ މަނަވަރުތައް މެދުއިރުމައްޗަށް ފޮނުވާފައިވެއެވެ.
ޓްރަމްޕް ބުނީ އެމެރިކާގެ އަސްކަރިއްޔާގެ މަތިންދާ ބޯޓުތައް ބޭނުންކޮށްގެން އީރާންގެ ތިން ނިއުކްލިއާ ސައިޓަކަށް ހަމަލާދީފައިވާ ކަމަށެވެ. ހަމަލާދިނީ ފޯޑޯ، ނަތަންޒް، އެސްފަހަންގައި ހުރި ނިއުކްލިއާ ސައިޓުތަކަށް ކަމަށާއި އެ ހަމަލާ ކާމިޔާބު ކަމަށް ވެސް ޓްރަމްޕް ބުންޏެވެ. އެކަމަކު، މި ހަމަލާގައި ނިއުކްލިއާ ފެސިލިޓީތަކަށް ލިބުނީ ކޮން ގެއްލުމެއް ކަމެއް އޭނާ ނުބުނެއެވެ.
Happy
100 %
Sad
0 %
Excited
0 %
Sleepy
0 %
Angry
0 %
Surprise
0 %
0
0