ކޮންޓެއިނަރ އުފުލާ އުޅަނދަކަށް އެސްޓީއޯ މެދުވެރިކޮށް 250 މެޓްރިކް ޓަނުގެ ތެޔޮ ފޯރުކޮށްދީފި

Read Time:3 Minute, 43 Second

(ފޮޓޯ ކްރެޑިޓްސް: އެމްޕީއެލް)

އެމްޕީއެލްގެ އުތުރު މެރިޓައިމް ސަރވިސްއިން ކޮންޓެއިނަރ އުފުލާ އުޅަނދަކަށް އެސްޓީއޯ މެދުވެރިކޮށް 250 މެޓްރިކް ޓަނުގެ ތެޔޮ ފޯރުކޮށްދީފިއެވެ. ސޯޝަލް މީޑިއާގައި ހިއްސާކުރެއްވި ޕޯސްޓެއްގައި މޯލްޑިވްސް ޕޯޓްސް ލިމިޓެޑް، އެމްޕީއެލްއިން ވިދާޅުވީ، އުތުރު މެރިޓައިމް ސަރވިސް، ޔޫއެމްއެސްގެ ދަށުން ‘ވިންޑް 2’ ނަމަކަށް ކިޔާ ކޮންޓެއިނަރ އުފުލާ އުޅަނދަކަށް ޕައިލޮޓޭޖްގެ ޚިދުމަތް ފޯރުކޮށްދީފައިވާކަމަށެވެ. އަދި މިއުޅަނދަށް ޚިދުމަތް ދީފައިވަނީ ރޭގެ ވަގުތެއްގައި، އިހަވަންދިއްޕޮޅު އޮފް ޕޯޓް ލިމިޓްސް، އޯޕީއެލުންކަމަށް އެ ކުންފުނިން ވިދާޅުވިއެވެ.

This evening, we provided pilotage services to the container vessel MSC Wind II under our Uthuru Maritime Service (UMS) at Ihavandhippolhu Off Port Limits (OPL).

The vessel called for bunkering, receiving 250 metric tonnes of fuel supplied by our partner @stoplc

Arriving from… pic.twitter.com/CzMWJsb0Qi

— Maldives Ports Limited (@Portmv) June 19, 2025

‘ވިންޑް 2’ އަކީ ކެންޔާގެ މޮމްބާސާއިން އިންޑިޔާގެ ވިޒިންޖަމްއަށް ދަތުރުކުރަމުންދާ އުޅަނދެކެވެ. އެމްޕީއެލްއިން ވިދާޅުވީ، މި އުޅަނދު އައީ ބަންކަރިންގއަށްކަމަށެވެ. އަދި ސްޓޭޓް ޓްރޭޑިންގ އޯގަނައިޒޭޝަން، އެސްޓީއޯގެ އެހީއާއެކު މި އުޅަނދަށް 250 މެޓްރިކް ޓަނުގެ ތެޔޮ ފޯރުކޮށްދީފައިވާކަމަށް އެ ކުންފުނިން ވިދާޅުވިއެވެ. މީގެ އިތުރުން، މިއީ ރާއްޖޭގެ އުތުރުގެ ސަރަހައްދުގައި ބައިނަލްއަޤްވާމީ ޝިޕިންގ ރޫޓްތަކަށް ޚިދުމަތް ދިނުމުގައި ޔޫއެމްއެސްގެ ޤާބިލުކަން އިތުރުވަމުންދާކަން ދައްކުވައިދޭ ކަމެއްކަމަށް އެމްޕީއެލްއިން ވިދާޅުވިއެވެ.

(ފޮޓޯ ކްރެޑިޓްސް: ޕީއެސްއެމް ނިއުސް)

ރާއްޖޭގައި ބަންކަރިންގެ ޚިދުމަތް ފަށާފައިވަނީ މިދިޔަ އަހަރުގެ ސެޕްޓެމްބަރުމަހުއެވެ. އިހަވަންދިއްޕޮޅުގައި ބައިނަލްއަޤްވާމީ ބަންކަރިންގެ ޚިދުމަތް ފެށުމަށް ސަރުކާރުން 15 އާއި 20 މިލިޔަން ޑޮލަރާ ދެމެދުގެ އަދަދެއް ވަނީ އިންވެސްޓްކޮށްފައިވެއެވެ. ބަންކަރިންގެ ޚިދުމަތް ދިނުމަށް ބޭނުންކުރަމުންދަނީ ގާތްގަނޑަކަށް 4000 ޓަނުގެ ތެޔޮ އުފުލާ 2 ބޯޓެވެ. މި ބޯޓުތަކުން ބަންކަރިންގެ ޚިދުމަތް ދެމުންދަނީ އޮފްޝޯކޮށް ނުވަތަ ކަނޑުގައި އުޅަނދެއް ބާއްވައިގެންނެވެ.