Read Time:3 Minute, 49 Second
ސިނަމާލެ ބްރިޖަކީ ދިވެހިންގެ ދިރިއުޅުމާއި އިގްތިސޯދު ބަދަލުކޮށްލި އިންޖިނިއަރިންގެ މަސައްކަތެއް ކަމަށް ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގް ޒިއަންހުއާ ވިދާޅުވެއްޖެއެެވެ. ސަފީރު ކޮންގް ޒިއަންހުއާ އެހެން ވިދާޅުވީ ސިނަމާލެ ބުރިޖު އިފްތިތާހުކުރި ދުވަސްކަމުގައިވާ އޮގަސްޓް މަހުގެ 30 ވަނަ ދުވަހަކީ ރާއްޖޭގެ އިންޖިނޭރުންގެ ދުވަހުގެ ގޮތުގައި ރައީސް ކަނޑައެޅުއްވުމާއި ގުޅިގެން އެކްސްގައި ކުރެއްވި ޕޯސްޓެއްގައެވެ. ސަފީރު ވިދާޅުވީ ކޮންމެ ދުވަހުގެ ދެ ފަހަރު ސިނަމާލެ ބްރިޖް ކައިރިން އޭނާ ދަތުރުކުރައްވާ ކަމަށެވެ. އެ ބްރިޖަކީ ޗައިނާ އާއި ދިވެހި އިންޖިނިއަރުންގެ ބުރަ މަސައްކަތް ކަމަށާއި އެ މަސައްކަތުގެ ސަބަބުން ދިވެހިންގެ ދިރިއުޅުމާއި އިގްތިސޯދު ބަދަލުކޮށްލި ކަމަށް ވިދާޅުވިއެވެ.
“އިންޖިނިއަރުން ހަމައެކަނި ހަދަނީ ޕްރޮޖެކްޓްސްއެއް ނޫން. މީހުންގެ ދިރިއުޅުމަށާއި މުޖްތަމައަށް ކުރިއެރުން ވެސް ގެނެސްދޭ ބައެއް އެއީ. އެހެންކަމުން އެ މީހުންނަށް އިއްޒަތާއި ގަދަރު ލިބެން ޖެހޭ.”ސަފީރު ވިދާޅުވިއެވެ. މި އަހަރުން ފެށިގެން، ކޮންމެ އަހަރެއްގެ އޮގަސްޓު މަހުގެ 30ވަނަ ދުވަހަކީ، ގައުމީ ފެންވަރުގައި ފާހަގަކުރާ، “ރާއްޖޭގެ އިންޖިނޭރުންގެ ދުވަސް” ކަމުގައި ރައީސް ކަނޑައެޅުއްވީ އިއްޔެއެވެ. ރާއްޖޭގެ އިންޖިނޭރުންގެ ދުވަހުގެ ގޮތުގައި އޮގަސްޓު މަހުގެ 30ވަނަ ދުވަސް ރައީސް ހަމަޖެއްސެވީ، މި ގައުމުގެ ތާރީހުގައި މިހާތަނަށް ހިންގުނު އެންމެ ބިޔަ އުމްރާނީ ތަރައްގީގެ މަޝްރޫއު ކަމަށްވާ، ސިނަމާލެ ބުރިޖު އިފުތިތާހު ކުރި ދުވަހަކީ، އޮގަސްޓު މަހެއްގެ 30ވަނަ ދުވަސް ކަމަށްވާތީ އާއި އިންޖީނިއަރުންގެ ދުވަހުގެ ގޮތުގައި ފާހަގަކުރުމަށް އެންމެ އެކަށީގެންވާ ދުވަހަކީ، އެ ދުވަސް ކަމަށްވާތީ ކަމަށް ރައީސް އޮފީހުން ނެރުނު ބަޔާނެއްގައި ވިދާޅުވެފައިވެއެވެ.
ރާއްޖޭގެ އިންޖިނޭރުންގެ ދުވަސް ފާހަގަކުރެއްވުމުގެ އެންމެހައި ކަންކަން ކުރިއަށް ގެންދަވާނީ، މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާއިން ކަމަށް ވެސް ވިދާޅުވެފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0