Read Time:2 Minute, 52 Second
އީރާނުގެ އެންމެ މަތީ ވެރިޔާ އަލީ ޚާމަނާއީ އަވަހާރަކޮށްލުމުގެ ފުރުސަތު ދޫކޮށް ނުލާނެ ކަމަށް އިސްރާއީލުގެ ބޮޑުވަޒީރު ބެންޖަމިން ނަތަންޔާހޫ ބުނެފިއެވެ. އެމެރިކާގެ ބްރޯޑްކާސްޓަރު އޭބީސީ ނިއުސްއަށް ދިން ބަސްދީގަތުމެއްގައި ނަތަންޔާހޫ ބުނީ އީރާނުގެ ލީޑަރު އަވަހާރަކޮށްލަން ރާވާފައިވާ އެއްވެސް ރޭވުމަކުން މިހާރު ކުރިއަށް ދާ ހަމަނުޖެހުން އިތުރަށް ގޯސްވުމުގެ ބަދަލުގައި ހަމަނުޖެހުންތައް ނިމުމަކަށް އަންނާނެ ކަމަށެވެ. އިސްރާއީލުން އިރާނުގެ އެންމެ މަތީ ލީޑަރަށް އަމާޒު ކުރާނެތޯ ސީދާ ސުވާލު ކުރުމުން ނަތަންޔާހޫ ރައްދު ދެމުން ބުނީ އެ ގައުމުން ކުރަން ޖެހޭ ކަންކަން ކުރަމުން އަންނަ ކަމަށެވެ.
އިރާނުގެ އިސް ނިއުކްލިއާ ސައިންޓިސްޓުންނަށް އަމާޒު ކޮށްފައިވާ ކަމަށް އޭނާ ބުންޏެވެ. އެހެން ތަންތަނުގައި ހާސިލުކުރަން ޖެހޭ ކަންކަން އަދިވެސް އެބަ ހުރި ކަމަށް އޭނާ ވަނީ ބުނެފައެވެ. އިސްރާއީލުގެ ލީޑަރު ބުނީ އީރާނަށް އަމާޒު ކުރަން އޭނާ އިޚްތިޔާރު ކުރަނީ “އިންސާނިއްޔަތަށް ޓަކައި” އީރާނަށް ކުރިމަތިވެފައިވާ ނިއުކްލިއާ ނުރައްކަލުން ރައްކާތެރިކުރުވުމަށް ކަމަށެވެ. “މިއަދު އިރާނުން އެ ހަމަލާ ދިނީ ތެލް އަވީވްއަށް. މާދަމާ ނިއު ޔޯކްއަށް އެ ގައުމުން ހަމަލާ ދީފާނެ،” އޭނާ ބުންޏެވެ.
މިކަމާ ގުޅިގެން އެމެރިކާއަށް އަމާޒުކޮށް އޭނާ ވަނީ “އެމެރިކާ ފަސްޓް” އޭނާއަށް ވިސްނޭ ކަމަށާއި، “އެމެރިކާ ޑެޑް” އޭނާ އަށް ނުވިސްނޭ ކަމަށް ބުނެފައެވެ. އޭނާ މިހެން ބުނެފައިވަނީ އިރާނުން އެމެރިކާއަށް ހަމަލާ ދީފާނެ ކަމަށް ނުސީދާ ގޮތުން އިޝާރާތް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0