Read Time:4 Minute, 6 Second
(ފޮޓޯ ކްރެޑިޓްސް: މޯލްޑިވިއަން)
ދިވެހިރާއްޖޭގެ ގައުމީ އެއާލައިން، މޯލްޑިވިއަންގެ އައު އިންފްލައިޓް މަޖައްލާ ‘އޭރިއަލް އައިލްސް’ ގެ ފުރަތަމަ އަދަދު ހުރިހާ ދަތުރުތަކެއްގައި ލިބެން ހުންނާނެކަމަށް އެ ކުންފުނިން ބުނެފިއެވެ. މި މަޖައްލާ ލިބެން ހުންނާނީ އެތެރޭގެ އަދި ބޭރުގެ ދަތުރުތަކުގެ އިތުރުން ސީޕްލޭން ދަތުރުތަކުގައި އަދި މޯލްޑިވިއަންގެ ހުރިހާ ލައުންޖްތަކެއްގައެވެ.
މިއަހަރުގެ ކުރީކޮޅު ދުބާއީގައި ބޭއްވި އަރަބިއަން ޓްރެވަލް މާކެޓް (އޭޓީއެމް) ގައި ތައާރަފުކުރެވުނު މި މަޖައްލާއަކީ މޯލްޑިވިއަންގެ ފަސިންޖަރުންގެ ތަޖުރިބާގެ މުހިންމު ބައެއް ކަމުގައި ވާނެއެވެ. އޯޕަން ސްކައި ގްރޫޕާ ގުޅިގެން ތައްޔާރުކުރެވޭ މި މަޖައްލާގައި ދިވެހިރާއްޖެ ފާހަގަކުރެވެނީ މުއްސަނދި ވާހަކަތަކާއި، ސަގާފީ ކަންކަމާއި، ދަތުރުފަތުރާ ގުޅޭ މައުލޫމާތުތަކުގެ ތެރެއިންނެވެ.
(ފޮޓޯ ކްރެޑިޓްސް: މޯލްޑިވިއަން)
‘އޭރިއަލް އައިލްސް’ ގައި ހިމެނެނީ އިނގިރޭސި ބަހުން ލިޔެފައިވާ މަޖައްލާތަކެކެވެ. އަދި ހޮވާލެވިފައިވާ ބައެއް ލިޔުންތައް ދިވެހި އަދި ޗައިނާ ބަހުން ވެސް ހިމަނާފައިވެއެވެ. ދިވެހި ތަރިކައާ ބެހޭ މައުލޫމާތުން ފެށިގެން އަލަށް ތައާރަފުވަމުންދާ މަންޒިލުތަކާ ހަމައަށް، ކޮންމެ އަދަދެއް ވެސް ފަރުމާކުރެވިފައިވަނީ މައުލޫމާތު ދިނުމަށާއި މުނިފޫހިފިލުވުމަށް އަދި އެކިއެކި ކަންކަމަށް އިލްހާމު ކޮށްދިނުން ނުވަތަ ހޭލުންތެރިކުރުމަށެވެ. އަހަރަކު ތިން ފަހަރު ޝާއިރުކުރެވޭ މި މަޖައްލާއިން މޯލްޑިވިއަންގެ އަމާޒެއްކަމަށްވާ ދިވެހިރާއްޖޭގެ މެހެމާންދާރީ، ފަތުރުވެރިކަން އަދި ހާއްސަކޮށް ރާއްޖޭގެ ވަނަވަރު ދުނިޔޭގެ އެކިކަންކޮޅުތަކުގައި ކުރިއެރުވުމަށް ވެސް އެހީތެރިވެދެއެވެ.
މޯލްޑިވިއަންގެ ހުރިހާ ދަތުރެއްގައި އަދި ލައުންޖްތަކުގައި ‘އޭރިއަލް އައިލްސް’ ލިބެން ހުރުމުން، ފަސިންޖަރުންނަށް އެމީހުންގެ ދަތުރުގެ ތެރޭގައި ދިވެހިރާއްޖެއާ އިތުރަށް ގުޅުން ބަދަހިކުރެވޭނެއެވެ. މޯލްޑިވިއަންއިން ވަނީ މި މަޖައްލާ ޝާއިރުކުރުމުގައި އެހީތެރިވެދެއްވި އޯޕަން ސްކައި ގްރޫޕަށް ޝުކުރު އަދާކޮށްފައެވެ. އަދި ކުރިއަށް އޮތް އަދަދުތަކުގައި އިތުރު ވާހަކަތައް ހިއްސާކުރުމަށް އުންމީދުކުރާ ކަމަށް ވެސް ބުނެފައިވެއެވެ.
Happy
50 %
Sad
0 %
Excited
0 %
Sleepy
0 %
Angry
50 %
Surprise
0 %
0
0