Read Time:3 Minute, 25 Second
ދިވެހިރާއްޖޭގައި އުފާވެރިކަމުގެ މިންގަނޑެއް ކަނޑައެޅުމުގެ މަސައްކަތް ފަށާފައިވާ ކަމަށާއި، މި މަސައްކަތުގެ ދަށުން އުފާވެރިކަމުގެ މިންގަނޑު ކަނޑައަޅާއިރު، އުފާވެރިކަމާ ގުޅިފައިވާ ގިނަ ދާއިރާތަކަކަށް ރިޢާޔަތްކުރެވޭނެކަމަށް ސިޓީތަކާއި އިދާރީ ދާއިރާތައް ހިންގުމާއި ޢާންމު މަސައްކަތްތަކާ ބެހޭ ވަޒީރު އާދަމް ޝަރީފް ޢުމަރު ވިދާޅުވެއްޖެއެވެ. މިނިސްޓަރު މިހެން ވިދާޅުވީ، މިއަދު ފާހަގަކުރާ އުފާވެރިކަމުގެ ދުވަހުގެ މުނާސަބަތުގައި ދެއްވި މެސެޖެއްގައެވެ. މިނިސްޓަރު ވިދާޅުވީ، ރާއްޖޭގެ އުފާވެރިކަމުގެ މިންގަނޑު ކަނޑައެޅުމުގެ މަސައްކަތުގެ ދަށުން އެކި ދާއިރާތަކާ މެދު ދިވެހިން ހިތްހަމަޖެހޭތޯ ބެލޭނެކަމަށެވެ. އެގޮތުން އިސްލާމްދީނާ އެއްގޮތަށް އަމަލުކުރުމާއި، އިގްތިސާދީ ކުރިއެރުމާއި އުފެއްދުންތެރިކަމަށް އިސްކަންދިނުން ހިމެނޭ ކަމަށް މިނިސްޓަރު ވިދާޅުވިއެވެ.
“ދުނިޔޭގެ އުފާވެރިކަމުގެ ދުވަސް ފާހަގަކުރެވެމުންދާއިރު ދިވެހިރާއްޖޭގައި އުފާވެރިކަމުގެ މިންގަނޑެއް ކަނޑައެޅުމުގެ މަސައްކަތް އަޅުގަނޑުމެން މި ވަނީ ފަށާއިފަ. އެ ގޮތުން އިސްލަމްދީނާ އެއްގޮތަށް ޢަމަލުކުރުމަށް، އިގްތިސާދީ ކުރިއެރުމާއި އުފެއްދުންތެރިކަމަށް އިސްކަންދިނުން، ސިއްހަތާ، ދުޅަހެޔޮކަމާ، ތިމާވެށްޓާ، ދެމެހެއްޓެނިވި ތަރައްޤީއަށް ޢަމަލުކުރުމަށް އަދި ޓެކްނޮލޮޖީއާއި، މީޑިއާގެ ބޭނުންކުރުމާ، ސަޤާފަތާއި އާދަކާދަ ދިރުވުމުގެ އިތުރުން އަމާންކަމާ ރައްކާތެރިކަމުގެ ވެށްޓެއް ޤާއިމްކުރުމާ، މުޖުތަމަޢުގެ ބަދަހިކަމަށް އިސްކަންދީގެން މަސައްކަތްކުރުން ހިމެނެ” މިނިސްޓަރ ވިދާޅުވިއެވެ.
މިނިސްޓަރު ވިދާޅުވީ، ތަފާތު ދާއިރާތަކުން އެކަށޭނެ އިންޑިކޭޓާސްތަކެއް ތައްޔާރުކުރެވި، ރާއްޖޭގެ ރައްޔިތުންގެ އުފާވެރިކަން މިންކުރެވޭނެ ގޮތެއް ކައިރި ތާރީޚެއްގައި ފެނިގެންދާނެ ކަމަށް އުންމީދުކުރައްވާ ކަމަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0