Read Time:2 Minute, 0 Second
(ފޮތޯ ކްރެޑީޓްސް: ޕީއެސްއެމް ނިއުސް)
ކޮރަޕްޝަން ނައްތާލުމުގައި އެންމެ މުހިންމު ދައުރެއް އަދާކުރެވޭނީ ސިވިލް ސާވިސް މުވައްޒަފުންނަށް ކަމަށް ތަޢުލީމީ ވަޒީރު ޑރ. އިސްމާޢިލް ޝަފީޢު ވިދާޅުވެއްޖެއެވެ. ސިވިލް ސާވިސް ކޮންފަރެންސް ހުޅުވުމުގެ ރަސްމިއްޔާތުގައި ވާހަކަދައްކަވަމުން ވަޒީރު ވިދާޅުވީ، އިދާރީ ކޮރަޕްޝަން ހުއްޓުވުމަކީ މާލީ ކޮރަޕްޝަން ނައްތާލުމަށް އޮތް އެންމެ ބޮޑު ހައްލު ކަމަށާއި، މިކަމަށްޓަކައި މުވައްޒަފުންގެ މަސައްކަތުގެ އަޚްލާޤާއި ޕްރޮފެޝަނަލިޒަމް ހަރުދަނާކުރަން ޖެހޭ ކަމަށެވެ. ގާތްގަނޑަކަށް 35،000 މުވައްޒަފުން ހިމެނޭ ސިވިލް ސާވިސްއަކީ ރައްޔިތުންނަށް ޚިދުމަތް ދިނުމުގެ މައިބަދަ ކަމަށްވާއިރު، ޚިދުމަތްތައް އަވަސްކޮށް، އިތުބާރު ހިފޭ ނިޒާމެއް ބައްޓަންކުރުމަށް ވަޒީރު އިލްތިމާސްކުރެއްވިއެވެ. މީގެ އިތުރުން، ސަރުކާރުން އިސްނަގައިގެން ކުރިއަށްގެންދާ “މޯލްޑިވްސް 2.0” މަޝްރޫޢަކީ ކޮރަޕްޝަނުން ސަލާމަތްވެފައިވާ ހަރުދަނާ ނިޒާމެއް ޤާއިމްކުރުމަށް ކުރެވޭ މުހިންމު މަސައްކަތެއްކަން ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0