Read Time:3 Minute, 12 Second
(ފޮޓޯ ކްރެޑިޓްސް: ޕީއެސްއެމް)
އެފްއޭއެމުން ސަރުކާރު ކުންފުނިތަކުގެ ދައްކަންޖެހޭ ދަރަނީގެ ކަންކަން ހައްލު ކުރުމަށް ކުޅިވަރާ ބެހޭ މިނިސްޓްރީން މަސައްކަތް ފަށައިފި އެވެ. މީރުމާގައި ހޮޓަލުގައި ރޭ ބޭއްވި އެފްއޭއެމުގެ އެކްސްޓްރާ އޯޑިނަރީ ކޮންގްރެސްގައި ވާހަކަފުޅު ދައްކަވަމުން މިނިސްޓަރ އަބްދުﷲ ރާފިއު ވިދާޅުވީ “އިރާދަ ކުރެއްވިއްޔާ އެކަން ނިމިގެންދާނީ ވަރަށް ފަހި ގޮތަކަށް،” ކަމަށެވެ. “އެފްއޭއެމުން ސަރުކާރުގެ ކުންފުނިތަކަށް ދަރާފައިވާ ދަރަނި ދެއްކުމުގައި މިނިސްޓްރީން މިހާރު މިގެންދަނީ ސަރުކާރު ކުންފުނިތަކާ ވާހަކަ ދައްކަމުން،” މިނިސްޓަރ ރާފިއު ވިދާޅުވި އެވެ.
ނަމަވެސް މިއީ ކިހާ ފައިސާއެއް ކަމެއް އަދި ދަރާފައިވަނީ ކިތައް ކުންފުންޏަށް ކަމެއް މިނިސްޓަރު ވިދާޅެއްނުވެ އެވެ. ނަމަވެސް އިތުބާރު ހުރި ގޮތަކަށް މައުލޫމާތު ލިބިފައިވާ ގޮތުގައި މި އަދަދު 30 މިލިއަނާ ގާތްކުރެ އެވެ. މިނިސްޓަރ ރާފިއު ވިދާޅުވީ އެފްއޭއެމުގެ ކަންކަން ރަނގަޅު ގޮތުގައި ގެންދިއުމަށް މިނިސްޓްރީން ގިނަ އެހިތެރިކަމެއް ވެދެއްވަމުން އަންނަ ކަމަށެވެ. މި ގޮތުން އެފްއޭއެމުގެ މަސައްކަތްތައް ކުރިއަށް ގެންދިއުމަށް ގަލޮޅު ދަނޑުގައި އޮފީސް ހަދައިދިނުމާއި މުބާރާތްތައް ބާއްވައިދިނުމަށް އެހީތެރިވުމުގެ ގޮތުން މިނިސްޓްރީގެ މުވައްޒަފުން ބޭނުން ކުރެވޭނެ ގޮތް ވެސް ހަމަޖައްސާދީފައިވާނެ ކަމަށެވެ.
މީގެ އިތުރުން ގައުމީ ޓީމުތައް ރާއްޖޭން ބޭރުގެ މުބާރާތްތަކާއި މެޗުތައް ކުޅުމަށް މިހާތަނަށް އެފްއޭއެމުން އެދުނު ކޮންމެ ކަމަކަށް ވެސް އިޖާބަދީފައިވާނެ ކަމަށެވެ. ރާއްޖޭގެ ފުޓްބޯޅަ އިދާރާ އެފްއޭއެމް މިވަގުތު އޮތީ މާލީ ގޮތުންނާއި އިދާރީ ގޮތުން ބޮއްސުންލައި ދިއުމުން ފީފާއިން ނޯމަލައިޒް ކޮށްފަ އެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0