Read Time:3 Minute, 2 Second
(ފޮޓޯ ކްރެޑިޓްސް: ކޮންސްޓަރަކްޝަން މިނިސްޓްރީ)
ތިން ރަށެއްގެ ފެާއި ނަރުދަމާ ނިޒާމުގެ ނުނިމި ހުރި މަސައްކަތް ނިންމުމަށް ފެނަކަ އާއި އެކު އެއްބަސްވުމެއްގައި ސޮއިކޮށްފިއެވެ. މިނިސްޓްރީ އޮފް ކޮންސަޓްރަކްޝަން ހައުސިން އެންޑް އިންފްރާސްޓްރަކްޗަރ ފެނަކައާ ހަވާލު ކުރި ތިން ރަށަކީ ށ. މާއުނގޫދޫ، ށ.ނަރުދޫ އަދި ނ. ޅޮއްސެވެ. މިނިސްޓްރީން ވިދާޅުވީ ފެނާއި ނަރުދަމާ ނިޒާމު ގާއިމް ކުރުމުގެ މަޝްރޫއުގެ ނުނިމި ހުރި މަސައްކަތްތައް ނިންމުމަށްޓަކައި ފެނަކައާއެކު އިއްޔެ އެއްބަސްވުމެއްގައި ސޮއި ކުރެވިފައިވާ ކަމަަށެވެ.
މި އެއްބަސްވުމުގައި މިނިސްޓްރީގެ ފަރާތުން ސޮއިކުރެއްވީ މިނިސްޓަރ އޮފް ސްޓޭޓް ޙަސަން ރަޝީދެވެ. އަދި ފެނަކަގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ މޭޖަރ (ރިޓަޔަރޑް) މުޙައްމަދު ނަޖާޙްއެވެ. އެ ރަށްތަކުގައި ފެނާއި ނަރުދަމާގެ ނިޒާމް ގާއިމްކުރުމަށް މީގެ ކުރިން ހަވާލުކޮށްފައިވަނީ ސްޓެޓިކް ކޮމްޕެނީއާއި އަލްޓެކް މޯލްޑިވްސް އާއި ސާސް އީ ކޮންސްޓްރަކްޝް ކުންފުންޏާއެެވެ.
ޑިޒައިން އެންޑް ބިލްޑް އުސޫލުން މި ރަށްތަކުގައި މަޝްރޫއު ހިންގައި ނިންމުމަށް އެކުންފުނިތަކަށް ދީފައިވަނީ ދެ އަހަރު ދުވަހުގެ މުއްދަތަކެވެ. އެމުއްދަތުގައި މަޝްރޫއާ ގުޅުން ހުރި ހުރިހާ މަސައްކަތެއް ނިންމައި، ފުރިހަމަ ކުރަން ޖެހޭނެއެވެ. އެގޮތުން އެ ރަށްރަށުގައި ފެނުގެ ވިއުގަ އެޅުމަށާއި، ނަރުދަމާގެ ޕަންޕު ސްޓޭޝަން ގާއިމްކުރުމުގެ އިތުރުން އާރް.އޯ ޕްލާންޓާއި ސްޓޯރޭޖް ޓޭންކް ބެހެއްޓުމާއި ސީ އައުޓް ފޯލް އެޅުމާއި އިދާރީ އޮފީސް ގާއިމުކުރުން އަދި ގޭގެއަށް ފެނުގެ ކަނެކްޝަން ގުޅައިދިނުން ހިމެނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0