ނުވަ ރަށެއްގައި ސިއްހީ ހިދުމަތްދޭ ތަންތަނުގެ އައު އިމާރާތްތައް އަޅަން ހަވާލުކޮށްފި

Read Time:4 Minute, 13 Second

(ފޮޓޯ ކްރެޑިޓްސް: ވަގުތު)

ނުވަ ރަށެއްގައި ސިއްހީ ހިދުމަތްދޭ ތަންތަނުގެ އައު އިމާރާތްކުރުމުގެ މަސައްކަތް ކުރުމަށް ތިން ކުންފުންޏަކާއި ހަވާލުކޮށް، އެކަމުގެ އެއްބަސްވުމުގައި ސޮއިކޮށްފިއެވެ. ސިއްހީ ވުޒާރާގައި ބޭއްވި ރަސްމިއްޔާތެއްގައި މި މަސައްކަތް ކުރުމަށް ހަވާލުކޮށްފައިވަނީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) ފެނަކަ ކޯޕަރޭޝަން (ފެނަކަ) އަދި ރޯޑް ޑިވެލޮޕްމަންޓް ކޯޕަރޭޝަން (އާރްޑީސީ)އާއެެވެ.

އެމްޓީސީސީއާ ހަވާލު ކުރި ރަށްތަކުގެ ތެރޭގައި

ނ. ފޮއްދޫ ސިއްހީ މަރުކަޒު އިމާރާތް ކުރުން: ޕްރޮޖެކްޓުގެ އަގު: 26,878,072.40ރ
ށ. މާއުނގޫދޫ ސިއްހީ މަރުކަޒު އިމާރާތް ކުރުން: ޕްރޮޖެކްޓުގެ އަގު: 27,219,325.40ރ
ވ. ފެލިދޫ ހޮސްޕިޓަލް އިމާރާތް ކުރުން: ޕްރޮޖެކްޓުގެ އަގު: 105,360,655.93ރ
ތ. ވިލުފުށި ހޮސްޕިޓަލް އިމާރާތް ކުރުން: ޕްރޮޖެކްޓުގެ އަގު: 105,132,701.20ރ

(ފޮޓޯ ކްރެޑިޓްސް: ވަގުތު)

މި ރަށްރަށުގެ ސިއްހީ ހިދުމަތްދޭ ތަންތަނުގެ އައު އިމާރާތްކުރުމުގެ އެއްބަސްވުމުގައި އެމްޓީސީސީގެ ފަރާތުން ސޮއިކުރެއްވީ އެ ކުންފުނީގެ މެނޭޖިންގް ޑިރެކްޓަރ އަހްމަދު ސައުދީއެވެ. ސިއްހީ ވުޒާރާގެ ފަރާތުން ސޮއިކުރެއްވީ ސްޓޭޓް މިނިސްޓަރ އިސްމާޢީލް އަބުުދުﷲ އެވެ.

އާރްޑީސީއާ ހަވާލު ކުރި ރަށްތައް

ކ. ގާފަރު ސިއްހީ މަރުކަޒު އިމާރާތް ކުރުން: ޕްރޮޖެކްޓުގެ އަގު: 26,819,434.82ރ
ހދ. ކުޅުދުއްފުށީ ސިޓީގައި އިމާރާތް ކުރާ ދަމަނަވެށި ޕްރޮޖެކްޓުގެ އަގު: 23,113,061.08ރ
ހދ. ހަނިމާދޫ ހޮސްޕިޓަލް އިމާރާތް ކުރުން: ޕްރޮޖެކްޓުގެ އަގު: 104,834,778.55ރ
އދ. މާމިގިލީ ހޮސްޕިޓަލް ޢިމާރާތް ކުރުން: ޕްރޮޖެކްޓުގެ އަގު: 105,004,634.47ރ

(ފޮޓޯ ކްރެޑިޓްސް: ވަގުތު)

މި ރަށްރަށުގެ ޞިއްޙީ ޚިދުމަތްދޭ ތަންތަނުގެ އައު އިމާރާތްކުރުމުގެ އެއްބަސްވުމުގައި އެ ކުންފުނީގެ ފަރާތުން ސޮއިކުރެއްވީ އާރްޑީސީގެ މެނޭޖިންގް ޑިރެކްޓަރ އަލީ ޒުހެއިރެވެ. ސިއްހީ ވުޒާރާގެ ފަރާތުން ސޮއިކުރެއްވީ ސްޓޭޓް މިނިސްޓަރ އިސްމާޢީލް ޝަރީފެވެ.

ފެނަކަ ކޯޕަރޭޝަން

ހދ. މަކުނުދޫ ޞިއްޙީ މަރުކަޒު ޢިމާރާތް ކުރުން: ޕްރޮޖެކްޓުގެ އަގު: 103,595,304.83ރ

ފެނަކަ ކޯޕަރޭޝަންގެ ފަރާތުން މި އެއްބަސްވުމުގައި ސޮއިކުރެއްވީ މެނޭޖިންގް ޑިރެކްޓަރ މުހައްމަދު ނަޖާހެވެ. ސިއްހީ ވުޒާރާގެ ފަަރާތުން ސޮއިކުރެއްވީ ސްޓޭޓް މިނިސްޓަރ އަހްމަދު ގާސިމެވެ.