Read Time:2 Minute, 32 Second
ހުޅުމާލެ ހޮސްޕިޓަލުގެ އިމަޖެންސީ ރޫމް (އީއާރް) ބޮޑުކޮށް، ޒަމާނީ ފެންވަރަށް ތަރައްޤީކުރުމަށް ފަށާފައިވާ ޕްރޮޖެކްޓްގެ މަސައްކަތް ހެލްތު މިނިސްޓަރު އަބުދުﷲ ނާޡިމް އިބްރާހިމް ބައްލަވާލައްވައިފިއެވެ. މިނިސްޓަރު މި ޕްރޮޖެކްޓްގެ މަސައްކަތް ހިނގަމުންދާ ގޮތް ބައްލަވާލައްވާފައިވަނީ މިއަދު އެ ހޮސްޕިޓަލަށް ކުރެއްވި ޒިޔާރަތުގެ ތެރެއިންނެވެ. ހުޅުމާލެ ހޮސްޕިޓަލުގެ އިމަޖެންސީ ރޫމް (އީއާރް) ޒަމާނީ ފެންވަރަށް ތަރައްޤީ ކުރުމަށް މާލެ ގުރޫފް އޮފް ހޮސްޕިޓަލްސް އިން ރޯޑް ޑިވަލޮޕްމަންޓް ކޯޕަރޭޝަނާއެކު މި ދިޔަ އަހަރު ވަނީ އެއްބަސްވުމެއްގައި ސޮއިކޮށްފައެވެ.
މި އެއްބަސްވުމުގެ ދަށުން އެ ހޮސްޕިޓަލްގައި މިހާރު ހުރި 7 އެނދުގެ އިމަރޖެންސީ ރޫމް ޒަމާނީ ވަސީލަތްތަކާއެކު 14 އެނދަށް ބަދަލުކޮށް، ކްރިޓިކަލް ޙާލަތްތަކުގައި ފަރުވާ ދިނުމަށް ޚާއްސަ ކުރެވޭ ތަނަކަށް ބަދަލުކުރުމަށް ވަނީ ނިންމާފައެވެ. މީގެ އިތުރުން މި ޒިޔާރަތުގައި މިނިސްޓަރު ވަނީ އެ ހޮސްޕިޓަލުން މިހާރު ދެމުންގެންދާ ޚިދުމަތް ފުޅާކޮށް، ޚިދުމަތް ދިނުމުގައި ދިމާވަމުންދާ ދަތިތައް ޙައްލުކުރުމާއި ގުޅޭގޮތުން މަޝްވަރާކުރައްވާފައެވެ.
އެގޮތުން ޑޮކްޓަރަށް ދެއްކުމަށް އޮންނަ ކިއު ކުޑަކުރުމާއެކު، ރައްޔިތުންނަށް ފަސޭހަކަމާއެކު ޚިދުމަތް ލިބޭނެ އިންތިޒާމް ހަމަޖެއްސުމާއި ގުޅޭގޮތުން ވަނީ މަޝްވަރާކުރައްވާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0