Read Time:2 Minute, 18 Second
ވެލިޑޭޓް ކުރުމަށްފަހު ނުގެންގޮސް ހުރި ސަނަދުތަކާ ހަވާލު ވުމަށް މޯލްޑިވްސް ކޮލިފިކޭޝަން އޮތޯރިޓީ (އެމްކިއުއޭ)އިން އެދިއްޖެ އެވެ. އެމްކިއުއޭޢިން މިއަދު ނެރުނު ބަޔާނެއްގައި ވަނީ އެކިއެކި ފަރާތްތަކުން އެ އޮތޯރިޓީއަށް ހުށަހަޅައިގެން ވެލިޑޭޓް ކޮށްފައިވާ ސަނަދު ތަކުގެ ތެރޭގައި، ކުރިން ވެލިޑޭޓް ކޮށްފައިވާ ގިނ ސަނަދުތަކެއް ވެރިފަރާތުން ނުގެންގޮސްވާކަށް ފާހަގަކޮށްފައެވެ.
އެ އިދާރާއިން ބުނީ 31 ޑިސެންބަރު 2022 ގެ ކުރިން ވެލިޑޭޓް ކޮށްފައިވާ ސަނަދުތައް، 31 ޖުލައި 2025 ގެ ކުރިން އެ ސަނަދުތަކެ ވެރިފަރާތުން ހަވާލުވުމަށް އެދޭ ކަމަށެވެ. މީގެ އިތުރުން މި މުއްދަތުގައި ނުގެންދާ ސަނަދުތައް ފައިލް ކުރެވޭނެ ކަމަށް ބަޔާކުގައި ބުނެފައި ވެއެވެ. އެމްކިއުއޭއިން ބުނީ 31 ޖުލައި 2025 ގެ ފަހުން އެ ތާރީހުގެ ސަނަދެއް ބޭނުނެވެއްޖެނަމަ ލިބޭނީ އަލުން އެޕްލިކޭޝަނެއް ގޮތުގައި ހުށަހަޅައިގެން ވެލިޑޭޓް ކުރުމުގެ ޕްރޮސެސް ކުރިއަށް ގެންދިއުމަށްފަހު ކަމަށެވެ.
އަދި މިއާއެކު، ވޭތުވެދިޔަ ދެ އަހަރު ކަމުގައިވާ 2023 އަދި 2024 ގައި ވެލިޑޭޓްކޮށް ވެރިފަރާތުން ހަވާލުނުވާ ސަނަދުތަކާވެސް ވި އެންމެ އަވަހަކަށް ހަވާލު ވުމަށް މޯލްޑިވްސް ކޮލިފިކޭޝަން އޮތޯރިޓީއިން ވަނީ އެދިވަޑައިގަނެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0