Read Time:2 Minute, 4 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޗައިނާގެ ޔުނާން ޕްރޮވިންސުން ރާއްޖެއަށް ކުޅިވަރު ސާމާނު ހަދިޔާކުރުމަށް ބޭއްވި ރަސްމިއްޔާތުގައި، ކުޅިވަރަކީ އިޖްތިމާޢީ ގުޅުން ބަދަހިކޮށް މުޖުތަމަޢު އެއްބައިވަންތަކޮށްދޭ މުހިއްމު ވަސީލަތެއްކަމަށް ކުޅިވަރާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ. ޗައިނާއިން ރާއްޖޭގެ ކުޅިވަރު ކުރިއެރުވުމަށް ފޯރުކޮށްދޭ ސާމާނާއި، ތަމްރީނާއި، ކޯޗުންގެ އެހީތެރިކަމުގެ ސަބަބުން ދިވެހި އެތްލީޓުންނަށް ބޮޑެތި ކުރިއެރުންތަކެއް ލިބި، ގްރާސްރޫޓް ޕްރޮގްރާމުތައް ހިންގުމަށް މަގުފަހިވެފައިވާކަން ވަޒީރު ފާހަގަކުރެއްވިއެވެ. މި އެހީތެރިކަމަކީ ދެ ގައުމުގެ ދެމެދުގައި އޮތް ގާތް ގުޅުން ރަމްޒުކޮށްދޭ ކަމެއްކަން ހާމަކުރައްވައި، ވަޒީރު ވަނީ ޗައިނާ ސަރުކާރަށާއި ޔުނާން ޕްރޮވިންސަށް ޝުކުރު އަދާކުރައްވާފައެވެ. މިފަހަރު ހަދިޔާކުރި ތަކެތީގެ ތެރޭގައި ފުޓުބޯޅަ، ބާސްކެޓް އަދި ބެޑްމިންޓަން ފަދަ ކުޅިވަރުތަކުގެ ސާމާނު ހިމެނޭއިރު، މިއީ ފާއިތުވި އަހަރެއްހައި ދުވަހުގެ ތެރޭގައި ޗައިނާއިން މިފަދަ އެހީއެއް ފޯރުކޮށްދިން ތިންވަނަ ފަހަރެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0