Read Time:2 Minute, 10 Second
(ފޮޓޯ ކްރެޑިޓްސް: އެމްޕީއެލް)
މާލޭ ވިޔަފާރި ބަނދަރު ތިލަފުއްޓަށް ބަދަލުކުރުމުގެ މަސައްކަތަކީ ރާއްޖޭގެ މެރިޓައިމް ދާއިރާ ކުރިއަރުވައި، އިމްޕޯޓް މުދާ ކްލިއަރ ކުރުމުގައި ދިމާވާ ޖާގައާއި ވަގުތުގެ ދަތިކަން ހައްލުކުރުމަށް ސަރުކާރުން ކުރިއަށްގެންދާ މުހިންމު މަޝްރޫއެކެވެ. މިވަގުތު މާލޭ ބަނދަރުގައި ޖާގަ ނެތުމުގެ ސަބަބުން ދިމާވާ މައްސަލަތަކަށް ވަގުތީ ހައްލެއް ހޯދުމުގެ ގޮތުން 24 ގަޑިއިރު ޚިދުމަތް ދިނުމާއި ހުސް ކޮންޓެއިނަރުތައް ތިލަފުއްޓަށް ބަދަލުކުރުން ފަދަ ފިޔަވަޅުތައް ވަނީ އަޅާފައެވެ.
އިމްޕޯޓް ޑިމާންޑް ބޮޑުވެ، މުދާ އެތެރެކުރާ މިންވަރު 2020 އިން 2025 އަށް ދެގުނަ އިތުރުވެފައިވާއިރު، މިކަމަށް ދާއިމީ ހައްލެއް ލިބޭނީ ތިލަފުށީގައި ތަރައްޤީކުރާ އައު ބަނދަރާއެކުގައެވެ. އަންނަ އަހަރުގެ ނޮވެމްބަރު މަހަށް ނިންމުމަށް އަމާޒު ހިފާފައިވާ މި ބަނދަރަކީ މާލޭ ބަނދަރަށްވުރެ 10 ގުނަ ބޮޑު ބިމެއްގައި، 3 ގުނަ ދިގު މަގަތުފާލަމަކާއެކު ތަރައްޤީކުރާ ތަނެކެވެ. މި ބަދަލާއެކު މުދާ ކްލިއަރ ކުރުމަށް ހޭދަވާ 7 ދުވަހުގެ މުއްދަތު 2 ދުވަހަށް ކުރުވެ، ރާއްޖޭގެ ލޮޖިސްޓިކްސް ނިޒާމަށް ޒަމާނީ ބޮޑު ބަދަލެއް އަންނާނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0