Read Time:1 Minute, 48 Second
ރާއްޖެއަކީ ސަރަޙައްދީ ފެންވަރުގައި ވާދަވެރި އިންވެސްޓްމަންޓް މަންޒިލަކަށް ހެދުމަށް ސަރުކާރުން ބޮޑެތި މަސައްކަތްތަކެއް ކުރަމުންދާ ކަމަށް އިގުތިޞާދީ ވަޒީރު މުޙައްމަދު ސަޢީދު ވިދާޅުވެއްޖެއެވެ. ޖަޕާނު އެމްބަސީން ބޭއްވި ވެބިނާ އެއްގައި ވަޒީރު ފާހަގަކުރެއްވި ގޮތުގައި، ރައީސް ޑރ. މުއިއްޒުގެ އަމާޒަކީ އިގުތިޞާދު ސިންދަފާތުކޮށް، އައު ފޮރިން އިންވެސްޓްމަންޓް ގާނޫނުގެ ދަށުން އިންވެސްޓަރުންނަށް އިތުބާރު ހުރި އަދި ހަލުވި ނިޒާމެއް ފަހިކޮށްދިނުމެވެ. ފަތުރުވެރިކަމުގެ އިތުރުން އިއާދަކުރަނިވި ހަކަތަ، މެރިޓައިމް، ޑިޖިޓަލް އިގުތިޞާދު އަދި މާލީ ދާއިރާ ފަދަ ތަފާތު ދާއިރާތަކުން އިންވެސްޓްމަންޓް ފުރުސަތުތައް ފުޅާކުރަން ސަރުކާރުން ދަނީ މަސައްކަތް ކުރަމުންނެވެ. އަދި ޖަޕާނުގެ ވިޔަފާރި އުކުޅުތަކާއި ތަޖުރިބާގެ ބޭނުން ހިފައި، ދެ ގައުމުގެ ދެމެދުގައި އޮތް އިގުތިޞާދީ ގުޅުން އިތުރަށް ހަރުދަނާކުރުމަށް ވަޒީރު ބާރުއެޅުއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0