Read Time:1 Minute, 50 Second
(ފޮޓޯ ކްރެޑިޓްސް: ސީޢެމްޑީއޭ)
ކެޕިޓަލް މާކެޓް ޑިވެލޮޕްމަންޓް އޮތޯރިޓީ (ސީއެމްޑީއޭ) ގެ ސީއީއޯގެ މަޤާމަށް، މާލީ އަދި ބޭންކިންގ ދާއިރާގައި 40 އަހަރަށްވުރެ ގިނަ ދުވަހު ޚިދުމަތް ކުރައްވާފައިވާ މުޙައްމަދު އަޙްމަދު އައްޔަންކުރައްވައިފިއެވެ. ރައީސުލްޖުމްހޫރިއްޔާ މި މަޤާމަށް އޭނާ އައްޔަންކުރެއްވީ ވަޒީރުންގެ މަޖިލީހުގެ މަޝްވަރާގެ މަތިންނެވެ. މާސްޓަރސް ފެންވަރަށް ތަޢުލީމު ހާސިލްކުރައްވާފައިވާ މުޙައްމަދު އަޙްމަދަކީ މާލީ ވުޒާރާއާއި ބީއެމްއެލް ފަދަ މުއައްސަސާތަކުގެ އިސް މަޤާމުތައް ފުރުއްވާފައިވާ ތަޖުރިބާކާރު ބޭފުޅެކެވެ. އޭނާ މި މަޤާމަށް އައްޔަންކުރެއްވީ ކުރިން އެ މަޤާމުގައި ހުންނެވި މުޙައްމަދު ޙުސައިން މަނިކު ރިޓަޔަރ ކުރެއްވުމާ ގުޅިގެންނެވެ. 2006 ވަނަ އަހަރު އުފެއްދި ސީއެމްޑީއޭ އަކީ ރާއްޖޭގެ ސެކިއުރިޓީޒް ބާޒާރު ރެގިއުލޭޓްކޮށް އިންވެސްޓަރުންގެ ޙައްޤުތައް ހިމާޔަތްކުރުމުގެ މަސްއޫލިއްޔަތު އަދާކުރާ މިނިވަން މުއައްސަސާއެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0