Read Time:2 Minute, 42 Second
ސްޓެލްކޯގެ ބިޒްނަސް ސެންޓަރު ވަރަށް އަވަހަށް ހުޅުވާނެ ކަމަށް އެ ކުންފުނީގެ މެނޭޖިން ޑިރެކްޓަރު ހުސައިން ފަހުމީ ވިދާޅުވެއްޖެއެވެ. ފަހުމީ އިއްޔެ ކުރެއްވި ޕޯސްޓެއްގައި ވަނީ ސްޓެލްކޯގެ ބިޒްނަސް ސެންޓަރު ކުޑަ މުއްދަތެއްގެ ތެރޭގައި ޑިޒައިންކޮށް އެތަން އިމާރާތްކުރުމަށް އެ ކުންފުނީގެ މުވައްޒަފުން ބުރަ މަސައްކަތެއް ކޮށްފައިވާ ކަމަށެވެ. އަދި އެކަމަށް ތައުރީފް ކުރައްވާފައިވެއެވެ.
އެ ސެންޓަރު ސްޓެލްކޯގެ ޓީމްގެ ގާބިލުކަން ވަރަށް ބޮޑަށް ދައްކުވައިދޭ ކަމަށް ފަހުމީ ވިދާޅުވިއެވެ. އަދި އެއީ އެ ކުންފުނީގެ މުވައްޒަފުންގެ ހުނަރުގެ މިސާލެއް ކަމަށް ވިދާޅުވިއެވެ. ފަހުމީ ވިދާޅުވީ ސްޓެލްކޯގެ މެނޭޖްމެންޓުން މުވައްޒަފުން ކޮށްފައިވާ ބުރަ މަސައްކަތް ބަލައިގަންނަ ކަމަށެވެ. އަދި އެކަމަށް ވަރަށް ޝުކުރުވެރިވާ ކަމަށެވެ. އެ ސެންޓަރު ވަރަށް އަވަހަށް ހުޅުވިގެންދާނެ ކަމަށް ވެސް ފަހުމީ ވިދާޅުވިއެވެ.
އިންޖީނުގެއަކަށް ބޭނުންވާ ހުރިހާ ސާމާނު އެއްތަނަކުން ލިބޭގޮތަށް ސްޓެލްކޯއިން ފިހާރައެއް ހުޅުވުމުގެ މަސައްކަތް ސްޓެލްކޯއިން ފެށީ މި އަހަރުގެ ޖުލައި މަހުގައެވެ. އެތަން އިމާރާތްކޮށްފައިވަނީ ސްޓެލްކޯ އިމާރާތުގެ ތިރީގައި ހުންނަ ފިހާރައާ ޖެހިގެން އޮންނަ ހުސް ބިމުގައެވެ. ސްޓެލްކޯގެ މުވައްޒަފުން އެތަން ހެދުމުގެ އަމަލީ މަސައްކަތް ކުރާތީ، އެ މަސައްކަތަށް 13 މިލިއަނެއްހައި ރުފިޔާ ސަލާމަތްވި ކަމަށް މީގެ ކުރިން އެމްޑީ ފަހުމީ ހާމަކުރައްވާފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0