Read Time:2 Minute, 31 Second
(ފޮޓޯ ކްރެޑިޓްސް: ރަޢީސް އޮފީސް)
ރައީސް ޑރ. މުޙައްމަދު މުޢިއްޒު ބޭރު ޤައުމުތަކަށް ކުރައްވާ ދަތުރުފުޅުތަކަކީ ހިލޭ އެހީ ނުވަތަ ލޯނު ހޯދުމަށް ކުރައްވާ ދަތުރުފުޅުތަކެއް ނޫން ކަމަށް ރައީސް އޮފީހުގެ އިސް ތަރުޖަމާނު މުޙައްމަދު ޙުސައިން ޝަރީފް ވިދާޅުވެއްޖެއެވެ. “ޕްރެސަރ ވިތު ދަ ސްޕޮކްސް” ނޫސްވެރިންގެ ބައްދަލުވުމުގައި ވާހަކަފުޅު ދައްކަވަމުން، ރައީސްގެ ދަތުރުފުޅުތަކުން ރާއްޖެއަށް ތަފާތު ދާއިރާތަކުން ގިނަ ފައިދާތަކެއް ހާސިލްވަމުންދާ ކަމަށް ވިދާޅުވިއެވެ.
ސްރީލަންކާ ދަތުރުފުޅަށް ޚާއްސަ އަލިއަޅުއްވާލައްވަމުން، ތަރުޖަމާނު ވިދާޅުވީ ސްރީލަންކާއަކީ ރާއްޖޭގެ އެންމެ ޒަމާންވީ އަވަށްޓެރިޔާ ކަމަށާއި، ދެ ޤައުމުގެ ގުޅުން ބަދަހިވުމުން ލިބޭ ފައިދާތައް ގިނަ ކަމަށެވެ. ދަތުރުފުޅުގައި ސޮއިކުރެވުނު 7 އެއްބަސްވުމަކީ ރާއްޖޭގެ ކުރިއެރުމަށް ބޭނުންވާ މުހިންމު އެއްބަސްވުންތަކެއް ކަމަށް ފާހަގަކުރެއްވިއެވެ. ތައުލީމީ ގޮތުން ބަލާއިރު، ރާއްޖޭގައި ޑޮކްޓަރުކަން ކިޔެވި ދިވެހި ދަރިވަރުންނަށް ސްރީލަންކާގައި އިންޓާންޝިޕް ފުރުސަތު ފަހިކޮށްދިނުން ހިމެނޭ ކަމަށް ވިދާޅުވިއެވެ. އިޤްތިޞާދީ ގޮތުން ކޮޅުންބޫގައި ބީއެމްއެލްގެ ގޮތްޕެއް ހުޅުވުމާއި، މިފްކޯ ބްރޭންޑް ސްރީލަންކާއަށް އެކްސްޕޯޓް ކުރުމުގެ އިންތިޒާމް ހަމަޖެއްސުން ވެސް ހިމެނޭ ކަމަށް ތަރުޖަމާނު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0