Read Time:2 Minute, 43 Second
(ފޮޓޯ ކްރެޑިޓްސް: މަސްވެރިކަމާއިބެހޭ ވުޒާރާ)
ކަނޑުތައް ބެލެހެއްޓުމުގެ ނިޒާމު ހަރުދަނާކުރުމަށް ބައިނަލްއަޤުވާމީ އޮނިގަނޑުތަކާއި ސަރަޙައްދީ އެއްބާރުލުން ނުހަނު މުހިންމުކަމަށް ޚާރިޖީ ވަޒީރު އިރުތިޝާމް އާދަމް ވިދާޅުވެއްޖެއެވެ. ވަޒީރު މިހެން ވިދާޅުވީ ރާއްޖޭގައި ބޭއްވި އިންޑިއަން އޯޝަން ޓޫނާ ކޮމިޝަން (އައިއޯޓީސީ)ގެ 30 ވަނަ އަހަރީ ބައްދަލުވުން ހުޅުވުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
ވަޒީރުގެ ވާހަކަފުޅުގައި ދެމެހެއްޓެނިވި މަސްވެރިކަން ކުރިއެރުވުމުގައި ރާއްޖެ އަދާކުރާ ދައުރު ފާހަގަކުރައްވައި، އިންޑިއާ ކަނޑު ހިމާޔަތްކުރުމަށް ގައުމުތަކުގެ ދެމެދު އެއްބާރުލުން އިތުރުކުރުމަށް ގޮވާލެއްވިއެވެ. އަދި ކަނޑުތަކުގެ ހިންގުމުގެ ނިޒާމު ކުދި ޖަޒީރާ ގައުމުތަކުގެ ޚާއްސަ ބޭނުންތަކަށް ފުދޭ ނިޒާމަކަށްވުމާއި، މި ގައުމުތަކަށް ބޭނުންވާ މާލީ އަދި ފަންނީ އެހީ ފޯރުކޮށްދިނުމުގެ މުހިންމުކަންވެސް ފާހަގަކުރެއްވިއެވެ. ބައިނަލްއަޤްވާމީ އަދި ސަރަހައްދީ ޖަމްޢިއްޔާތައް އެއް ލަނޑުދަނޑިއެއް ހާސިލްކުރުމަށް ގުޅިގެން މަސައްކަތްކުރުމަށްވެސް ވަޒީރު ގޮވާލެއްވިއެވެ.
މި ބައްދަލުވުން ކުރިއަށްދަނީ މި މަހުގެ 11 އިން 15 އަށެވެ. 2011 ވަނަ އަހަރު އައިއޯޓީސީގެ މެންބަރު ގައުމަކަށްވި ފަހުން ރާއްޖެ ދަނީ، ހާއްސަކޮށް ކުދި ޖަޒީރާ ގައުމުތަކުގެ ދެމެހެއްޓެނިވި މަސްވެރިކަމުގެ މަސްލަހަތު ކުރިއެރުވުމަށް، ޖަމިއްޔާގައި އިސް ދައުރެއް އަދާކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0