Read Time:3 Minute, 49 Second
(ފޮޓޯ ކްރެޑިޓްސް: ޕީއެސްއެމް ނިއުސް)
އައިއޯޓީސީގެ 30 ވަނަ ސެޝަންގައި ވާހަކަފުޅު ދައްކަވަމުން، މަސްވެރިކަމާ ބެހޭ ވަޒީރު އަހުމަދު ޝިޔާމް ވިދާޅުވީ މަސްވެރިކަމުގެ ދެމެހެއްޓެނިވިކަން ކަށަވަރުކޮށް ކަނޑުގެ ދިރުންތައް ހިމާޔަތްކުރުމަށް ދިވެހި ސަރުކާރުން ޚާއްސަ އިސްކަމެއް ދޭކަމަށެވެ. ވަޒީރު ވިދާޅުވި ގޮތުގައި، ރާއްޖޭގެ މަސްވެރިން ކޮންމެ ދުވަހަކު ކަނޑަށް ނިކުމެ ކުރާ ބުރަ މަސައްކަތަކީ، ކަނޑުގެ ވަސީލަތްތައް ބެލެހެއްޓުމުގައި މި ކޮމިޝަންގެ ދައުރު ކިހާ މުހިންމުކަން ހަނދާންކޮށްދޭ ކަމެކެވެ. ރައީސް ޑރ. މުޢިއްޒުގެ ޒައާމަތުގައި، ސިނާޢަތް ހަރުދަނާކޮށް ޒަމާނީކުރުމާއި، މަސްވެރި އާއިލާތަކަށް ވާގިވެރިވުމާއި، ކަނޑުގެ ދިރުންތައް ހިމާޔަތްކުރުމަށް ސަރުކާރުން ގިނަ މަސައްކަތްތަކެއް ކޮށްފައިވާ ކަމަށް ވިދާޅުވިއެވެ. ދިވެހިރާއްޖޭގައި ދެމެހެއްޓެނިވިކަމަކީ ހަމައެކަނި ޚިޔާލީ ކަމެއް ނޫންކަން ފާހަގަކުރައްވައި، ވަޒީރު ވިދާޅުވީ ކަނޑުފަޅުގެ ދިރުންތަކުގެ ދުޅަހެޔޮކަން ކަށަވަރުކުރުމަކީ ކުރިއްސުރެ ދިވެހި މުޖުތަމަޢު ގަބޫލުކުރާ ހަގީގަތެއްކަމަށެވެ. ރާއްޖޭގެ ދޮށީގެ މަސްވެރިކަމަކީ ކަނޑުގެ މާހައުލަށް ކުރާ ނޭދެވޭ އަސަރު ކުޑަކޮށް، އެތައް ހާސް ބައެއްގެ އާމްދަނީ ކަށަވަރުކޮށްދޭ ނަމޫނާ ސިނާޢަތެއްކަމަށް ވިދާޅުވިއެވެ.
ރީނދޫ އުރަހަ ކަންނެލީގެ ހިމާޔަތާ ގުޅޭ ގޮތުން ވަޒީރު ވިދާޅުވީ، 2016 ވަނަ އަހަރުން ފެށިގެން ކަންނެލީގެ އާބާދީ ދެމެހެއްޓުމަށް ގައުމީ ފެންވަރުގައި ފިޔަވަޅުތަކެއް އަޅާފައިވާ ކަމަށެވެ. ލޭނު އެޅުމުގެ މަސްވެރިކަން ހުއްޓާލުން ފަދަ ނިންމުންތަކަކީ ކުދި ޖަޒީރާ ގައުމުތަކަށް ގޮންޖެހުންތަކެއް ކުރިމަތިކުރި ނިންމުންތަކެއް ނަމަވެސް، ވަސީލަތްތަކުގެ ދިގު މުއްދަތުގެ ދެމެހެއްޓެނިވިކަމަށްޓަކައި ރާއްޖެއިން ވަނީ ޒިންމާ ނަގާފައިކަމަށް ވިދާޅުވިއެވެ. ވަޒީރު ނިންމަވާލެއްވީ، ހިންދުކަނޑުގެ މުސްތަގުބަލު ބިނާވެފައިވަނީ ހުރިހާ ގައުމުތަކެއް ގުޅިގެން، އިތުބާރާއި އިންސާފުވެރިކަމާ އެކު ޒިންމާ ނަގައިގެން ކުރާ ގުޅިފައިވާ މަސައްކަތްތަކުގެ މައްޗަށްކަން ފާހަގަކުރައްވަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0