Read Time:3 Minute, 43 Second
(ފޮޓޯ ކްރެޑިޓްސް: އެކ.އެމްވީ)
2008 އިން 2012 އަށް ކުރީގެ ރައީސް މުޙައްމަދު ނަޝީދު ކުރެއްވި ވެރިކަމުގައި ނިންމެވި ބައެއް ނިންމުންތަކާއި ވެވުނު އެއްބަސްވުންތަކުގެ ސަބަބުން، ދިވެހި ދައުލަތަށް ބިލިއަނުން މާލީ ގެއްލުންވެ، ބޮޑެތި ބަދަލުތަކެއް ދައްކަން ޖެހުނެވެ. މީގެ ތެރެއިން އެންމެ ފާހަގަކޮށްލެވެނީ ވެލާނާ އިންޓަރނޭޝަނަލް އެއަރޕޯޓު ހިންގަން އިންޑިއާގެ ޖީއެމްއާރް ކުންފުންޏާ ޙަވާލުކުރުމުގެ އެއްބަސްވުމެވެ. މި އެއްބަސްވުން އުވާލުމާ ގުޅިގެން، ސިންގަޕޫރުގެ އާބިޓްރޭޝަނުން ނިންމި ގޮތަށް، ދައުލަތުން 271 މިލިއަން އެމެރިކާ ޑޮލަރު (4.1 ބިލިއަން ރުފިޔާ) ބަދަލުގެ ގޮތުގައި ދައްކަން ޖެހުނެވެ. މިއީ ރާއްޖޭގެ ތާރީޚުގައި ދައުލަތުން އެއްފަހަރާ ދެއްކި އެންމެ ބޮޑު މާލީ ބަދަލެވެ.
ހަމައެއާއެކު، ރާއްޖޭގެ އެކި ރަށްރަށުގައި ހައުސިންގ ޔުނިޓްތަކެއް އެޅުމަށް ނޫމަޑި ރިޒޯޓްސްއާއެކު ވެފައިވާ އެއްބަސްވުން އުވާލުމުގެ ސަބަބުންވެސް ދައުލަތަށް ބޮޑު ގެއްލުމަކާ ކުރިމަތިލާން ޖެހުނެވެ. މި މައްސަލަ ކޯޓުން ބޭރުގައި ޙައްލުކޮށް، ބަދަލުގެ ގޮތުގައި 55 މިލިއަން އެމެރިކާ ޑޮލަރު (848 މިލިއަން ރުފިޔާ) ދައުލަތުން އެ ކުންފުންޏަށް ދެއްކިއެވެ. މިފަދަ ނިންމުންތަކުގެ ސަބަބުން މަޝްރޫޢުތަކުގެ ފައިދާ ރައްޔިތުންނަށް ނުލިބި، ދައުލަތުގެ ބަޖެޓަށް ވަނީ ނުތަކާވަރުގެ ބުރައެއް އުފުލަން ޖެހިފައެވެ.
މީގެ އިތުރުން، ކުރީގެ ރައީސެއްގެ ހައިސިއްޔަތުންނާއި، 2021 ވަނަ އަހަރު ދިން ޓެރަރިސްޓް ޙަމަލާއާ ގުޅިގެން ރައީސް ނަޝީދުގެ ސަލާމަތާއި ބޭސްފަރުވާއަށް ދައުލަތުން އަންނަނީ ބޮޑެތި ޚަރަދުތަކެއް ކުރަމުންނެވެ. އެމަނިކުފާނުގެ އޮފީސް ހިންގުމާއި، ހައި-ރިސްކް ސެކިއުރިޓީ ފޯރުކޮށްދިނުމަކީ ދާއިމީ ގޮތެއްގައި ދައުލަތުގެ ބަޖެޓުން ބޮޑު ހޭދައެއް ކުރަންޖެހޭ ކަންކަމެވެ. މި ހުރިހާ ކަމަކަށް ބަލާއިރު، ރައީސް ނަޝީދުގެ ސިޔާސީ ނިންމުންތަކާއި އެމަނިކުފާނާ ގުޅުންހުރި ކަންކަމަށް ކުރެވޭ ޚަރަދުތަކަކީ ދިވެހި ދައުލަތުގެ މާލިއްޔަތަށް ނުހަނު ބޮޑު އަސަރެއް ކުރަމުންދާ ކަންކަމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0