Read Time:2 Minute, 8 Second
(ފޮޓޯ ކްރެޑިޓްސް: ރޮއިޓާރސް)
ކޯވިޑަށްފަހު ވިލާތުގެ އެއާލައިންތަކަށް އަނެއްކާވެސް އައު ގޮންޖެހުންތަކަކާ ވަނީ ކުރިމަތިލާން ޖެހިފައެވެ. މެދުއިރުމަތީގެ ހަނގުރާމައިގެ ސަބަބުން ޖެޓް ފިއުލްގެ އަގު 84 އިންސައްތައަށް އުފުލި، ދަތުރުކުރާ މަގުތަކަށް ބުރޫއަރައި، ޓިކެޓުގެ އަގުތައް ވަނީ ބޮޑުވެފައެވެ. މީގެ ސަބަބުން ކުރިއަށް އޮތް ހޫނު މޫސުމުގެ ޗުއްޓީ ދަތުރުތަކަށް ދަތިތަކެއް ކުރިމަތިވާނެ ކަމަށް ބެލެވެއެވެ. ތެލުގެ އަގު ބޮޑުވި ނަމަވެސް، ވައިގެ ދަތުރުފަތުރަށް އޮތް ޑިމާންޑް އަދިވެސް ދަށަށް ނުދާކަމަށް އައިއޭޓީއޭއިން ބުނެއެވެ. ނަމަވެސް ހަނގުރާމަ ދިގުލައިގެންދާތީ، ދުރު މަންޒިލްތަކަށް ދަތުރުކުރުމުގެ ބަދަލުގައި ކައިރި ސަރަޙައްދުތަކަށް ދަތުރުކުރުމާއި، ބުކިންގތައް ފަސްކުރުން ފަދަ ބަދަލުތައް ފަސިންޖަރުންގެ އަމަލުތަކަށް ވަނީ އައިސްފައެވެ. މި ޙާލަތުގެ އަސަރު އެންމެ ބޮޑަށް ކޮށްފައިވަނީ ގަލްފުގެ އެއާލައިންތަކަށެވެ. އެ ސަރަޙައްދުގެ އެއާލައިންތަކުން ހަދާ ބުކިންގތައް 50 އިންސައްތައަށް ދަށްވެފައިވާއިރު، ގިނަ ދަތުރުވެރިން މިހާރު އިސްކަންދެނީ އެހެން ސަރަޙައްދުތަކުގެ އެއާލައިންތަކަށެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0