Read Time:1 Minute, 47 Second
(ފޮޓޯ ކްރެޑިޓްސް: އެއާރ އިންޑިއާ)
ދުނިޔޭގެ ބާޒާރުގައި މަތިންދާބޯޓަށް އަޅާ ތެލުގެ އަގު އިންތިހާއަށް އުފުލުމާ ގުޅިގެން، އިންޑިއާގެ އެއާލައިންތައް ހުއްޓުމަކަށް އަތުވެދާނެކަމުގެ ބިރު ބޮޑުވެއްޖެއެވެ. އިންޑިއާގެ އެއާލައިންތަކުން ބުނާ ގޮތުގައި ހިންގުމުގެ ޚަރަދުގެ 40 އިންސައްތަ ތެލަށް ހޭދަވާއިރު، ސަރުކާރުން ތެލުގެ ޑިއުޓީ ބޮޑުކުރުމުން ބޮޑެތި ގެއްލުންތަކާ ވަނީ ކުރިމަތިލާން ޖެހިފައެވެ. އެހެންކަމުން 11 އިންސައްތައިގެ ޑިއުޓީ ދެއްކުން ފަސްކޮށްދިނުމަށް އެއާލައިންތަކުން ވަނީ އެދިފައެވެ. މީގެ އިތުރުން، ޕާކިސްތާނުގެ ވައިގެ ސަރަޙައްދު ބަންދުވުމުގެ ސަބަބުން ދަތުރުތަކަށް ބުރޫއަރައި، އެއާ އިންޑިއާއަށް އެކަނިވެސް 600 މިލިއަން ޑޮލަރުގެ ގެއްލުން ވާނެކަމަށް ލަފާކުރެވެއެވެ. ދުނިޔޭގެ މަސްރަޙަށް އައި ބަދަލުތަކާއެކު ތެލުގެ ސަޕްލައިއަށް ބުރޫއަރައި، މަތިންދާބޯޓު ތެޔޮ ފީފާއެއްގެ އަގު މިހާރު ވަނީ 179 ޑޮލަރަށް އުފުލިފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0