Read Time:2 Minute, 1 Second
(ފޮޓޯ ކްރެޑިޓްސް: ރޮއިޓާރސް)
ސަހްޔޫނީންނާއި އެމެރިކާއިން އިސްވެ އީރާނާ ދެކޮޅަށް ފެށި ޣައިރުޤާނޫނީ ހަނގުރާމައިގެ ސަބަބުން ހުރްމުޒް ކަނޑުއޮޅި ބަންދުވެ، ބައިނަލްއަޤުވާމީ ވިޔަފާރި އުޅަނދުތައް ޕަނަމާ ކޯރު ބޭނުންކުރާ މިންވަރު ވަނީ ވަރަށް ބޮޑަށް އިތުރުވެފައެވެ. ފެބުރުވަރީ މަހު ފެށި މި ހަނގުރާމައާ ގުޅިގެން، މިދިޔަ އަހަރުގެ އޮކްޓޫބަރުން ފެށިގެން މިހާތަނަށް ޕަނަމާ ކޯރު ހުރަސްކުރި އުޅަނދުތަކުގެ އަދަދު ކުރީ އަހަރަށްވުރެ 300 އަށްވުރެ އިތުރުވެފައިވާއިރު، މެދުއިރުމަތީގެ ހަމަނުޖެހުންތަކަށް ހައްލެއް ނުލިބޭނީސް މި ހާލަތު މިގޮތުގައި ދެމިއޮންނާނެ ކަމަށް ބެލެވެއެވެ. އީރާނުން އެމެރިކާއާއި ޔަހޫދީންގެ އުޅަނދުތަކަށް ކަނޑުއޮޅި ބަންދުކުރުމާއި، އެމެރިކާއިން އީރާންގެ ބަނދަރުތައް ހިސާރުކުރުމާ ގުޅިގެން ޕަނަމާ ކޯރުގެ އާމްދަނީވެސް ވަނީ ބޮޑުތަނުން އިތުރުވެފައެވެ. މިގޮތުން އުޅަނދުތަކުން އާންމުކޮށް ދައްކާ ފީގެ އިތުރުން، ކިޔޫގައި ނުޖެހި އަވަހަށް ދަތުރުކުރުމަށްޓަކައި ބައެއް އުޅަނދުތަކުން ބޮޑެތި އިތުރު ފީތައް ދައްކަމުންދާކަން ފާހަގަކުރެވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0