Read Time:2 Minute, 5 Second
ފޮޓޯ ކްރެޑިޓްސް: އިލެކްޝަންސް ކޮމިޝަން)
ސަރުކާރާ ދެކޮޅަށް އެމްޑީޕީ އާއި ޕީއެންއެފުން މާލޭގައި ބާއްވަމުންދާ ހަރަކާތްތަކުގައި އިޖުތިމާއީ މިންގަނޑާ ހިލާފަށް ވާހަކަދައްކައި، ހަމަނުޖެހުމަށް ހިތްވަރުލިބޭ ގޮތަށް އަމަލުކުރަމުންދާތީ އެ ދެ ޕާޓީއަށް އިލެކްޝަންސް ކޮމިޝަނުން ނަސޭހަތްތެރިވެއްޖެއެވެ. އެ ކޮމިޝަނުން އަންގާފައިވަނީ ސާބިތު ނުހިފޭ ވާހަކަތައް ނުދެއްކުމަށާއި، މީހުންގެ އަމިއްލަ ދިރިއުޅުމަށް ފާޑުނުކިޔުމުގެ އިތުރުން، ގާނޫނާ ހިލާފަށް މަގުތަކާއި އާންމު މައިދާންތަކުގައި އެއްވުންތައް ނުބޭއްވުމަށެވެ. މި އެންގުން އައިސްފައިވަނީ އިދިކޮޅު ޕާޓީތަކުގެ ހަރަކާތްތައް ގާނޫނީ އިމުގެ ތެރޭގައި ހުރިތޯ ބެލުމަށް ޕީއެންސީގެ މެންބަރުން މަޖިލީހުގައި ކަންބޮޑުވުން ފާޅުކޮށްފައިވަނިކޮށެވެ. ސަރުކާރު ކޯލިޝަނުގެ މެންބަރުން ވިދާޅުވާ ގޮތުގައި މިވަގުތަކީ މުޒާހަރާ ކުރަންޖެހޭ ފަދަ އަނިޔާވެރިކަމެއް ނުވަތަ ގައުމަށް ގެއްލުންވާނެ ކަމެއް ހިނގަމުންދާ ވަގުތެއް ނޫނެވެ. އީސީން ވަނީ ގާނޫނީ އިމުގެ ތެރެއިން ހިންގާ ސިޔާސީ ހަރަކާތްތަކަށް މަރުހަބާ ކިޔާނެ ކަމަށް ބުނެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0