Read Time:2 Minute, 5 Second
(ފޮޓޯ ކްރެޑިޓްސްް: ޕީއެސްއެމް ނިއުސް)
އެއްވުންތައް ކަވަރުކުރާ ނޫސްވެރިންނަށް ސަލާމަތީ ބާރުތަކުގެ ޚާއްސަ ހިމާޔަތާއި އިމްތިޔާޒުތައް ލިބިދޭ ގޮތަށް މޯލްޑިވްސް މީޑިއާ އެންޑް ބްރޯޑްކާސްޓިންގ ކޮމިޝަނުން އާ ގަވާއިދެއް އެކުލަވާލައިފިއެވެ. މި ގަވާއިދުގެ މައިގަނޑު މަގްސަދަކީ ނޫސްވެރިކަމުގެ މިނިވަންކަން ދެމެހެއްޓުމާއި، އެއްވުންތައް ކަވަރުކުރުމުގައި ހުރިހާ މީޑިއާތަކަށް ހަމަހަމަ ފުރުސަތުތަކެއް ފަހިކޮށްދީ، ނޫސްވެރިންނަށް ބޭނުންވާ ރައްކާތެރިކަން ކަށަވަރުކޮށްދިނުމެވެ. މި ގަވާއިދުގެ ދަށުން އެކްރެޑިޓްކުރާ ނޫސްވެރިންނަށް ހަލަބޮލި ސަރަހައްދުތަކަށް ވަނުމުގެ ހުއްދައާއި ސަލާމަތީ ބާރުތަކުން މައުލޫމާތު ހޯދުމުގައި ލުއިފަސޭހަ ގޮތްތަކެއް ހަމަޖެހިގެންދާނެއެވެ. އެކްރެޑިޓޭޝަން ދޫކުރަނީ ދިވެހި މީޑިއާތަކަށް އެއް އަހަރަށް، ބައިނަލްއަގުވާމީ މީޑިއާތަކަށް ތިން މަހަށް، އަދި ފްރީލާންސް ނޫސްވެރިންނަށް ހަ މަސް ދުވަހުގެ މުއްދަތަށެވެ. މިއީ އެއްވުންތަކުގެ މައުލޫމާތު ފެތުރުމުގައި ނޫސްވެރިންނަށް ކުރިމަތިވާ ހުރަސްތައް ނައްތާލުމަށް އެޅުނު މުހިންމު ފިޔަވަޅެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0