Read Time:2 Minute, 9 Second
(ފޮޓޯ ކްރެޑިޓްސް: ބްރޯޑްކާސްޓިންގ ކޮމިޝަން)
ރާއްޖޭގައި ހިންގާ ހުރިހާ ނޫސްމަޖައްލާތަކެއް މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަންގެ ދަފްތަރުގައި އަދާހަމަކުރުމަށް 6 މަސްދުވަހުގެ މުހުލަތެއް ދީފިއެވެ. މިގޮތަށް ނިންމާފައިވަނީ އަލަށް އެކުލަވާލި ނޫސްމަޖައްލާ ރަޖިސްޓްރީކުރުމުގެ ޤަވާއިދުގެ ދަށުންނެވެ. މި ޤަވާއިދުގެ ދަށުން ނޫސް، މަޖައްލާ، ޖާނަލް އަދި ނިއުސްލެޓަރު ފަދަ ވަސީލަތްތައް ރަޖިސްޓްރީކުރަންޖެހޭއިރު، ޕްރިންޓް މީޑިއާގެ އިތުރުން ވެބްސައިޓާއި ސޯޝަލް މީޑިއާ ފަދަ މަންސަތައްވެސް ހިމެނެއެވެ.
އައު ޤަވާއިދުގައިވާ ގޮތުން ނޫސްމަޖައްލާ ރަޖިސްޓްރީ ކޮށްދެނީ 5 އަހަރުގެ މުއްދަތަށެވެ. އަދި ރަޖިސްޓްރީ އައު ކުރުމާއި، އެޑިޓަރުންނާއި މަސްއޫލުވެރިންގެ ޝަރުތުތަކާއި، ކިޔުންތެރިންގެ އަތުން ފީއެއް ނަގާނަމަ އެކަމުގެ ހުއްދަ ހޯދަންޖެހޭ އުސޫލުތައް ވަނީ ކަނޑައަޅާފައެވެ. މީގެ އިތުރުން ކޮންމެ އަހަރަކު އަހަރީ ރިޕޯޓް ހުށަހަޅަންޖެހޭނެ ކަމަށާއި، ކަނޑައެޅިފައިވާ މުއްދަތުގައި ދަފްތަރު އަދާހަމަނުކުރާ ނޫސްތަކުގެ ރަޖިސްޓްރީ ބާތިލުވާނެ ކަމަށްވެސް މީޑިއާ ކޮމިޝަނުން ބަޔާންކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0