Read Time:2 Minute, 7 Second
މަސްވެރި އުޅަނދުފަހަރުގައި ލޮނުފެނުން މަސް ފިނިކުރާ ނިޒާމް (އާރުއެސްޑަބްލިއު) ގާއިމުކުރުމަށްޓަކައި މަސްވެރިކަމާ ބެހޭ ވުޒާރާއާއި އެސްއެމްއީ ބޭންކު ގުޅިގެން މިހާތަނަށް 53 މިލިއަން ރުފިޔާގެ ލޯނު ދޫކޮށްފައިވާ ކަމަށް އެ ވުޒާރާއިން ހާމަކޮށްފިއެވެ. މި ޕްރޮގްރާމްގެ ދަށުން ލޯނަށް އެދުނު 99 ފަރާތުގެ ތެރެއިން 51 ފަރާތެއްގެ ލޯނު މިހާރު ވަނީ ފާސްކޮށްފައެވެ. މި ލޯނަކީ އައިސް ހޯދުމަށް ކުރާ ހޭދަ ކުޑަކޮށް، މަސްވެރިން ބާނާ މަސް ގިނަވަގުތު ތާޒާކަންމަތީ ދޯނީގައި ބެހެއްޓޭނެ މަގު ފަހިކޮށްދިނުމަށް ދޫކުރާ ލޯނެކެވެ. މި ސަރުކާރުން މިހާރު ވަނީ ލޯނު ލިބުމުގައި ހުރި ގޮންޖެހުންތައް ކުޑަކުރުމަށްޓަކައި، ކްރެޑިޓް ހިސްޓްރީ ބަލާ މުއްދަތު އެއް އަހަރުން ތިން މަހަށް ކުރުކޮށް، ލޯނު ދޫކުރުމުގެ އުސޫލަށް ލުއިތަކެއް ގެނެސްފައެވެ.
ރަހުނަކާ ނުލައި އެއްލައްކަ އާއި ދެ މިލިއަން ރުފިޔާއާ ދެމެދުގެ އަދަދުތަކުން ދޫކުރާ މި ލޯނުގެ ދަށުން، މިހާރު ސޯލާ ނިޒާމާއި ޖެނެރޭޓަރު ގަތުމަށްވެސް ފުރުސަތު ލިބެއެވެ. މި ލޯނު އަނބުރާ ދެއްކުމަށް ހަ މަހުގެ ގްރޭސް ޕީރިއަޑަކާއެކު ޖުމްލަ 10 އަހަރުގެ މުއްދަތެއް ލިބޭނެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0