Read Time:2 Minute, 22 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ޤާނޫނުއަސާސީން ލިބިދީފައިވާ ޚިޔާލު ފާޅުކުރުމުގެ މިނިވަންކަން އިސްލާމްދީނާއި ޤާނޫނީ އިމުގެ ތެރޭގައި ދެމެހެއްޓުމަށް އިސްލާމީ ކަންތައްތަކާއި އައުޤާފާ ބެހޭ ވަޒީރު ޑރ. މުޙައްމަދު ޝަހީމް ޢަލީ ސަޢީދު އިލްތިމާސްކުރައްވައިފިއެވެ. ވަޒީރު ފާހަގަކުރެއްވި ގޮތުގައި ނޫސްވެރިކަމުގެ މިނިވަންކަމަކީ މީހުންގެ އަބުރަށް އަރައިގަނެ، ފުރައްސާރަކުރުމަށް އޮތް ފުރުޞަތެއް ނޫނެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރަކީ ނޫސްވެރިކަމަށް ވަރަށް ބޮޑަށް ޖާގަދޭ ސަރުކާރަކަށް ވީނަމަވެސް، ފަހަކަށް އައިސް ރައީސާއި އެމަނިކުފާނުގެ އާއިލާގެ އިތުރުން ވަޒީރުންގެ އަބުރަށް އަމާޒުކޮށް ކުރާ ފުރައްސާރަތައް ކުރިން ނުފެންނަ މިންވަރަށް އިތުރުވެފައިވާތީ އެކަމާ ވަޒީރު ކަންބޮޑުވުން ފާޅުކުރެއްވިއެވެ. އަދި ދޮގު ޚަބަރު ފެތުރުމާއި މީހުންގެ ކަރާމާތަށް އަރައިގަތުމަކީ ދީނީ ގޮތުން ނަހީކުރައްވާފައިވާ، އަދި އިސްލާމީ ޝަރީޢަތުގައި ބޮޑު އަހައްމިއްޔަތުކަމެއް ދީފައިވާ ކަންކަން ކަމަށް ވިދާޅުވިއެވެ. މީގެ އިތުރުން، ނޫސްވެރިކަމަކީ ބިނާކުރަނިވި ފާޑުކިޔުމުގެ މައްޗަށް ބިނާވާ ނިޒާމަކަށް ވެއްޖެނަމަ މުޅި މުޖުތަމަޢަށް އޭގެ ފައިދާ ކުރާނެކަމަށްވެސް ވަޒީރު ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0