Read Time:1 Minute, 46 Second
ރާއްޖޭގައި ނޫސްވެރިކަމުގެ މިނިވަންކަން ފުޅާދާއިރާއެއްގައި އޮތް ނަމަވެސް، އެ މިނިވަންކަން ބޭނުންކުރަންވާނީ ޒިންމާދާރުކަމާއެކު އަނެކުންގެ އިޙްތިރާމާއި ޙައްޤުތަކަށް އުނިކަން ނާންނާނެ ގޮތަށް ކަމަށް އިޤްތިޞާދީ ވަޒީރު މުޙައްމަދު ސަޢީދު ވިދާޅުވެއްޖެއެވެ. ރައީސުލްޖުމްހޫރިއްޔާއާއި އެމަނިކުފާނުގެ އާއިލާއަށް އަމާޒުކޮށް، ނަން ހާމަނުކޮށް ބައެއް ފަރާތްތަކުން ފަތުރާ ހަގީގަތާ ޚިލާފު ވާހަކަތައް ކުށްވެރިކުރައްވަމުން ވަޒީރު ވިދާޅުވީ، ފިލާ ތިބެ މީހުންގެ އަބުރު ކަތިލުމަކީ ނޫސްވެރިކަމުގެ މިނިވަންކަން ނޫން ކަމަށެވެ. އަދި ސައްތައިން ސައްތަ މުސްލިމް މުޖުތަމައެއްގައި އަޚްލާޤީ މިންގަނޑުތަކަށް ބޯލަނބަންޖެހޭނެ ކަމަށާއި، ކޮންމެ މައްސަލައަކަށްވެސް ބިނާކުރަނިވި ގޮތެއްގައި ފާޑުކިޔުމުގެ ފުރުސަތު އޮތް ނަމަވެސް، އެއީ ތަރައްޤީއަށް މަގުފަހިވާ ފަދަ ޒިންމާދާރު ކަމަކަށް ވާންޖެހޭނެ ކަމަށް ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0