Read Time:2 Minute, 3 Second
(ފޮޓޯ ކްރެޑިޓްސް: ރައީސް އޮފީސް)
ދަރަނި ދެއްކުމަށް ސަރުކާރުން ކުރަމުންދާ މަސައްކަތުގެ ދަށުން، ވޭތުވެދިޔަ 21 ދުވަހުގެ ތެރޭގައި އެކަނިވެސް ބޭރުގެ ދަރަނީގެ ގޮތުގައި ގާތްގަނޑަކަށް ބިލިއަނެއްހާ ޑޮލަރު (924 މިލިއަން ޑޮލަރު) ދައްކާފައިވާ ކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ. މީގެ ތެރޭގައި 500 މިލިއަން ޑޮލަރުގެ ސުކޫކަކާއި އިންޑިއާއިން ނަގާފައިވާ 400 މިލިއަން ޑޮލަރުގެ ކަރަންސީ ސްވޮޕް ހިމެނޭއިރު، މި ފައިސާ ދައްކާފައިވަނީ އެއްވެސް ހަރުމުދަލެއް ރަހުނުނުކޮށް އަދި ކުރިން ރަހުނުކޮށްފައި ހުރި ތަންތަން ސަލާމަތްކުރަމުންނެވެ. ބޭރުގެ ދަރަނީގެ އިތުރުން، އެތެރޭގެ ދަރަނި އަދާކުރުމަށްޓަކައި ވޭތުވެދިޔަ ހަ މަސް ތެރޭގައި ދިވެހި ކުންފުނިތަކަށް 3.3 ބިލިއަން ރުފިޔާ ދައްކާފައިވާ ކަމަށާއި، ކޮންމެ ހަފްތާއަކު އެވްރެޖްކޮށް 700 އެއްހާ ވެންޑަރުންނަށް ފައިސާ ދޫކުރަމުންދާ ކަމަށްވެސް ރައީސް ފާހަގަކުރެއްވިއެވެ. ސަރުކާރުގެ އަމާޒަކީ އިތުރު ދަރަނި ނުނަގައި، އިގްތިސާދު ހަމަމަގަށް އަޅުވައި، ދަރަނިތަކުން ގައުމު ސަލާމަތްކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0