Read Time:1 Minute, 56 Second
(ފޮޓޯ ކްރެޑިޓްސް: އެސްޓީއޯ)
ރާއްޖެއަށް ބޭނުންވާ ބޭސް ފޯރުކޮށްދިނުމުގައި ދިމާވާ ދަތިތައް ހައްލުކުރުމަށް ސަރުކާރުގެ ބޭސް ކުންފުނީގެ އެހީގައި ފުޅާ ދާއިރާއެއްގައި މަސައްކަތް ކުރަމުންދާކަމަށް ސިއްޙީ ވަޒީރު ޤީލާ ޢަލީ ވަނީ ވިދާޅުވެފައެވެ. މިހާރު ރާއްޖެއަށް ބޭނުންވާ ބޭހުގެ ބޮޑުބައި އަމިއްލަ ކުންފުނިތަކުން ފޯރުކޮށްދިން ނަމަވެސް، ބޭހުގެ އަގު ކޮންޓްރޯލްކުރުމަށާއި ބޭސް ލިބުމުގައި ހުރި ދަތިތައް ހައްލުކުރުމަށްޓަކައި ސަރުކާރުގެ ބޭސް ކުންފުނީގެ ޤާބިލްކަން އިތުރުކުރުމަށް ވަނީ އަމާޒު ހިފާފައެވެ. އަދި އާސަންދައިގެ އެހީގައި ބޭހުގެ އަގުތައް މާކެޓުގައި އެއްވަރެއްގައި ހިފެހެއްޓުމަށާއި، އަތޮޅުތެރޭގެ ފާމަސީތަކުން ފަސޭހައިން ބޭސް ލިބޭނެ އިންތިޒާމު ހަމަޖެއްސުމަށް ސަރުކާރުން ދަނީ މަސައްކަތް ކުރަމުންނެވެ. ބޭސް ހުސްވުމާއި އަގު ބޮޑުވުމުގެ ޝަކުވާތަކަށް ހައްލެއް ހޯދުމުގެ ގޮތުން އުފެއްދި ދައުލަތުގެ ބޭސް ކުންފުނިން މިހާރު ވަނީ ބޭހުގެ ފުރަތަމަ ޝިޕްމަންޓް ގެނެސް ބޭސް ފޯރުކޮށްދޭން ފަށާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0