Read Time:2 Minute, 36 Second
(ފޮޓޯ ކްރެޑިޓްސް: ޕީޢެސްއެމް ނިއުސް)
މަޖީދިއްޔާ ސްކޫލަށް 100 އަހަރު ފުރުމާ ދިމާކޮށް، އެ ސްކޫލްގެ “ސައްތަވީ ބިނާ” އަންނަ އަހަރު ހުޅުވުމަށް ސަރުކާރުން އަމާޒު ހިފާފައިވާކަމަށް ތަޢުލީމީ ވަޒީރު ޑރ. އިސްމާޢީލް ޝަފީޢު ވިދާޅުވެއްޖެއެވެ. މަޖީދިއްޔާގެ 99 ވަނަ އަހަރީ ދުވަހުގެ ރަސްމިއްޔާތުގައި ވަޒީރު ވިދާޅުވީ، ރައީސުލްޖުމްހޫރިއްޔާގެ އިރުޝާދާއެކު މި ބިނާގެ މަސައްކަތް މިހާރު ފެށިފައިވާ ކަމަށެވެ. މީގެ އިތުރުން، ކުރީގެ ދަރުމަވަންތަ ސްކޫލް ހުރި ބިމުގައި 40 ކްލާސްރޫމްގެ އައު އިމާރާތެއް އެޅުމަށާއި، ތާރީޚީ “ދާރުލް އުލޫމް” އިމާރާތް ތަޢުލީމީ ދާރުލްއާސާރަކަށް ބަދަލުކުރުމަށް ވަނީ ނިންމާފައެވެ.
ވަޒީރުގެ ވާހަކަފުޅުގައި މަޖީދިއްޔާ ސްކޫލަކީ ތަޢުލީމީ ގޮތުންނާއި ޓެކްނޮލަޖީގެ ގޮތުން އެހެން ސްކޫލްތަކަށް ނަމޫނާ ދައްކާ ފަދަ ތަނަކަށް ވާންޖެހޭނެކަން ފާހަގަކުރެއްވިއެވެ. އަދި ދަރިވަރުންގެ ކިބައިގައި ރިވެތި އަޚްލާޤާއި ހުނަރުވެރިކަން އަށަގެންނެވުމަށް ސަރުކާރުން ކުރަމުންދާ މަސައްކަތްތަކަށްވެސް ވަޒީރު އަލިއަޅުވާލެއްވިއެވެ. ރާއްޖޭގެ ނިޒާމީ ތަޢުލީމުގެ ބިންގާ ކަމަށްވާ މަޖީދިއްޔާ ސްކޫލަކީ 1927 ވަނަ އަހަރު 69 ދަރިވަރުންނާއެކު ފެށި ސްކޫލެކެވެ. މިއަދު އެ ސްކޫލުގައި 1300 އަށްވުރެ ގިނަ ދަރިވަރުން ތަޢުލީމު ހާސިލްކުރަމުންދާއިރު، އެއީ ރާއްޖޭގެ ތާރީޚާއި ތަޢުލީމީ ކުރިއެރުމާ ގުޅިފައިވާ އެންމެ މުހިންމު އެއް ބިނާއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0