Read Time:1 Minute, 58 Second
ޕީއެންސީގެ ޕާލަމެންޓްރީ ގްރޫޕްގެ ލީޑަރު އިބްރާހިމް ފަލާހް، ކުރީގެ ރައީސް ޔާމީނަށް ވަރަށް ބޮޑަށް ފާޑުވިދާޅުވެއްޖެއެވެ. ފަލާހް ވިދާޅުވީ ޔާމީން މިހާރު އުޅުއްވަނީ އަނބިކަނބަލުންނާ އެކު ގޭގައި އުޅުއްވަން ބޭނުންފުޅުނުވެގެން، އަލުން މާފުށީ ޖަލަށް ވަޑައިގަތުމަށް މަސައްކަތް ކުރައްވާ ފަދަ ގޮތަކަށް ކަމަށެވެ. އަދި އެމްޑީޕީގެ ވެރިކަމެއް އޮތް ނަމަ ޔާމީން އަދިވެސް އޮންނަވާނީ ޖަލުގައި ކަމަށާއި، އެމަނިކުފާނު ގެއަށް ބަދަލުކުރެއްވީ ރައީސް ޑރ. މުއިއްޒުގެ އޯގާތެރިކަމުން ކަމަށް ފަލާހް ފާހަގަކުރެއްވިއެވެ.
މީގެ އިތުރުން، ދައުލަތުގެ ދަރަނި ދެއްކުމާ ގުޅޭގޮތުން ޔާމީން ދެއްކެވި ވާހަކަފުޅުތަކަށް ރައްދު ދެއްވަމުން ފަލާހް ވިދާޅުވީ، އެއީ ރައްޔިތުން “ގުނބޯ ހެއްދުމަށް” ދައްކަވާ ހަގީގަތާ ހިލާފު ވާހަކަތަކެއް ކަމަށެވެ. އަދި ކުރީގެ ސަރުކާރުން ޖުޑިޝަރީއަށް ނުފޫޒު ފޯރުވައި ފަނޑިޔާރުންނަށް ބިރުދެއްކި ނަމަވެސް، މިހާރުގެ ސަރުކާރުން މަޖިލީހުގެ ސުޕަ މެޖޯރިޓީ ބޭނުންކުރަނީ ރައްޔިތުންގެ ލާބައަށް ކަމަށްވެސް އޭނާ ވިދާޅުވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0