Read Time:2 Minute, 49 Second
(ފޮޓޯ ކްރެޑިޓްސް: ރައީސް އޮފިސް)
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، ސަރުކާރު ހިންގުން ހަރުދަނާކުރެއްވުމުގެ ގޮތުން ވަޒީރުންގެ މަޖިލީހުގެ މެންބަރުންގެ އަދަދު 15 އަށް މަދުކުރައްވައި ބޮޑެތި ބަދަލުތަކެއް ގެންނަވައިފިއެވެ. މި ބަދަލާއެކު މިއަދު ވަނީ އަލަށް އެކުލަވައިލި ވުޒާރާތަކަށް 12 ވަޒީރުން އައްޔަންކުރައްވައި މަޤާމުގެ ހުވާލައިދެއްވާފައެވެ.
އަލަށް އައްޔަންކުރެއްވި ވަޒީރުންނަކީ ފިނޭންސް މިނިސްޓަރ މޫސާ ޒަމީރު، ހޯމްލޭންޑް ސެކިއުރިޓީ މިނިސްޓަރ ޢަލީ އިޙުސާން، ފޮރިން މިނިސްޓަރ އިރުތިޝާމް އާދަމް، އެޑިއުކޭޝަން މިނިސްޓަރ ޑރ. އިސްމާޢީލް ޝަފީޢު، ހެލްތު މިނިސްޓަރ ޤީލާ އަލީ، އިކޮނޮމިކް މިނިސްޓަރ މުޙައްމަދު ސަޢީދު، އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު، ޓޫރިޒަމް މިނިސްޓަރ މުޙައްމަދު އަމީން، ސްޕޯޓްސް މިނިސްޓަރ ޢަބްދުﷲ ރާފިޢު، ހެރިޓޭޖް މިނިސްޓަރ ހީނާ ވަލީދު، ހައުސިންގ މިނިސްޓަރ ޢަބްދުﷲ މުއްޠަލިބް އަދި އެންވަޔަރަމަންޓް މިނިސްޓަރ ޢަލީ ޝަރީފެވެ.
މި ބަދަލުތައް ގެންނެވީ ސަރުކާރުގެ 10 ވަޒީރަކު އިސްތިއުފާ ދެއްވުމާ ގުޅިގެންނެވެ. ރައީސް އޮފީހުން ހާމަކުރެއްވި ގޮތުގައި މިއީ ރައްޔިތުންނަށް ވެފައިވާ ވަޢުދުތައް ފުއްދުމުގައި ހަލުވިކަމެއް ގެނައުމަށާއި ސަރުކާރު ހިންގުން އިތުރަށް ހަރުދަނާކުރުމަށް ރައީސުލްޖުމްހޫރިއްޔާ ނިންމެވި ނިންމެވުމެކެވެ. މީގެ ފަހުން ވަޒީރުންގެ މަޖިލީހުގައި ބަންޑާރަނައިބާއެކު ހިމެނިވަޑައިގަންނަވާނީ ޖުމުލަ 15 ވަޒީރުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0