Read Time:1 Minute, 43 Second
(ފޮޓޯ ކްރެޑިޓްސް: ޕީއެސްއެމް ނިއުސް)
ރާއްޖޭގެ އިސްލާމީ ޙަޟާރަތުގައި އައުޤާފުގެ ދައުރު ފުޅާކުރުމަކީ ސަރުކާރުގެ މުހިންމު އަމާޒެއް ކަމަށް އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ. ރައީސް ޑރ. މުޢިއްޒުގެ ތަޞައްވުރާ އެއްގޮތަށް އައުޤާފު ނިޒާމު ހަރުދަނާކުރުމަށްޓަކައި ޚާއްޞަ ޤާނޫނަކާއި މެނޭޖްމަންޓް ސިސްޓަމެއް އެކުލަވައިލުމުގެ މަސައްކަތް ދަނީ ކުރަމުންނެވެ. މިގޮތުން މާލޭގައި ‘ދާރުލް އަރްޤަމް’ ފަދަ އައު އިމާރާތްތައް ބިނާކުރުމުގެ އިތުރުން، އައްޑޫ، ތިނަދޫ، ކުޅުދުއްފުށި އަދި ވިލިނގިލީގައި ވަޤްފު މަޝްރޫޢުތައް ހިންގުމަށް ވަނީ ބަޔަކާ ޙަވާލުކޮށްފައެވެ. މި މަޝްރޫޢުތަކުގެ ބޭނުމަކީ ދައުލަތުގެ ބަޖެޓަށް ބަރޯސާނުވެ، ވަޤްފު އިމާރާތްތަކުން ލިބޭ އާމްދަނީން މިސްކިތްތައް ބެލެހެއްޓުމާއި ދީނީ ކަންކަމަށް ޚަރަދުކުރެވޭނެ ދެމެހެއްޓެނިވި މާލީ ނިޒާމެއް ޤާއިމުކުރުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0