ވަޒީރުން އިސްތިއުފާ ދެއްވީ ހެޔޮ ބަދަލުުތަކަށް ފުރުސަތު ދެއްވުމަށް

Read Time:4 Minute, 36 Second

ވަޒީރުން އިސްތިއުފާ ދެއްވީ ހެޔޮ ބަދަލުުތަކަށް ފުރުސަތު ދެއްވުމަށް ކަމަށް ރައީސް އޮފީހުން ވިދާޅުވެއްޖެއެވެ. މި ސަރުކާރުން މިހާރު ދަނީ ސަރުކާރުގެ ކުންފުނިތަކުގެ މެނޭޖިން ޑިރެެކްޓަރުންނާއި، ވުޒާރާތަކުގެ ވަޒީރުންގެ މަގާމުތަކަށް ބަދަލުތަކެއް ގެންނަވަމުންނެވެ. އެ ބަދަލުތައް ގެންނަން ފެށީ މި މަހުގެ 4 ގައި އޮތް ލޯކަލް ކައުންސިލް އިންތިހާބާއި އަންހެނުންގެ ތަރައްގީއަށް މަސައްކަތް ކުރާ ކޮމިޓީގެ އިންތިހާބުގައި ރާއްޖޭގެ ފަސް ސިޓީން ޕީއެންސީ އަދި ސަރުކާރަށް ލިބުނު ނާކާމިޔާބީ އަށް ފަހުގައެވެ. އަދި ބައެއް ބޭފުޅުން މަގާމުތަކުން ވަކި ކުރަން ފަށާފައި ވަނީ ސަރުކާރުން އަޅަން ފަށާފައިވާ އިސްލާހީ ބަދަލުތަކުގެ ތެރެއިންނެވެ. ސަރުކާރުގެ ހިންގުމަށް ގެންނަންޖެހޭ ބަދަލުތައް ގެންނަވާނެ ކަމަށް ރައީސް ޑރ. މުއިއްޒު މި ފަހުން ވަނީ ވިދާޅުވެފައެވެ.

މިއަދު ކުއްލި ގޮތަކަށް 10 ވަޒީރަކު ވަނީ އިސްތިއުފާ ދެއްވައިފައެވެ. ރައީސް އޮފީހުން ވިދާޅުވީ، ރައްޔިތުންގެ ވިންދާ އެއްގޮތަށް ސަރުކާރު ހިންގެވުމަށް ރައީސް ގެންނަވަން ބޭނުންފުޅުވާ ހެޔޮ ބަދަލުތަކަށް ފުރުސަތު ދެއްވުމުގެގޮތުން، ކެބިނެޓްގެ 10 ވަޒީރަކު މިއަދު އިސްތިޢުފާ ހުށަހަޅުއްވާފައިވާތީ އެ ބޭފުޅުންގެ އިސްތިއުފާ ރައީސުލްޖުމްހޫރިއްޔާ ގަބޫލުފުޅުކުރައްވާފައިވާ ކަަމަށެވެ. މިއަދު ކުއްލި ގޮތަކަށް ހައިދަރާއެކުގައި ނުވަ ވަޒީރަކު ވަނީ އިސްތިއުފާ ދެއްވައިފައެވެ.

ވަޒީރުކަމުން އިސްތިއުފާ ދެއްވި 10 ވަޒީރުންނަކީ:

ހާރިޖީ ވަޒީރު ޑރ. އަބްދުﷲ ހަލީލް
މަތީ ތައުލީމާއި މަސައްކަތްތެރިކަމާއި ހުނަރުތައް ތަރައްގީކުރުމާ ބެހޭ ވަޒީރު ޑރ. އަލީ ހައިދަރު
ދިފާއީ ވަޒީރު މުހައްމަދު ޣައްސާން މައުމޫން
އިޖުތިމާއީ އަދި އާއިލީ ތަރައްގީއާ ބެހޭ ވަޒީރު ޑރ. އައިޝަތު ޝިހާމް
ސިއްހީ ވަޒީރު އަބްދުﷲ ނާޒިމް
ތިމާވެއްޓާއި ފަތުރުވެރިކަމާ ބެހޭ ވަޒީރު ތޯރިގް އިބްރާހިމް
ސިޓީތަކާއި އިދާރީ ދާއިރާތައް ހިންގުމާއި އާންމު މަސައްކަތްތަކާ ބެހޭ ވަޒީރު އާދަމް ޝަރީފް އުމަރު
ދަނޑުވެރިކަމާއި ދިރޭތަކެއްޗާ ބެހޭ ވަޒީރު ޑރ. މަރިޔަމް މާރިޔާ
ޒުވާނުން ބާރުވެރިކުރުވުމާއި، މައުލޫމާތާއި ފަންނާ ބެހޭ ވަޒީރު އިބްރާހިމް ވަހީދު (އަސްވާޑު)
ދިވެހި ބަހާއި ސަގާފަތާއި ތަރިކައާ ބެހޭ ވަޒީރު އާދަމް ނަސީރު އިބްރާހީމް،

ރައީސް އޮފީހުން ވިދާޅުވިގޮތުގައި މިއަދު އިސްތިއުފާދެއްވި 10 ވަޒީރުން މި ވޭތުވެދިޔަ މުއްދަތުގައި ކޮށްދެއްވި ހިދުމަތުގެ އަގު ވަޒަންކުރައްވައި ރައީސުލްޖުމްހޫރިއްޔާ ވަނީ އެބޭފުޅުންނަށް ޝުކުރު އަދާކުރައްވާފައެވެ.