Read Time:1 Minute, 45 Second
(ފޮޓޯ ކްރެޑިޓްސް: ވަގުތު)
ރައީސް ޑރ. މުހައްމަދު މުއިއްޒުގެ ވައުދުފުޅާ އެއްގޮތަށް ރާއްޖޭގެ އެކި ސަރަހައްދުތަކުގައި ތަރައްގީކުރާ ހަތް އާބަން ސެންޓަރުގެ ތެރެއިން ފަސް ރަށެއްގެ ކައުންސިލް މެޖޯރިޓީ ސަރުކާރު ހިންގާ ޕީއެންސީން ކާމިޔާބުކޮށްފިއެވެ. އިލެކްޝަންސް ކޮމިޝަންގެ ރަސްމީ ނަތީޖާއިން ދައްކާގޮތުގައި ޕީއެންސީން މެޖޯރިޓީ ހޯދާފައިވަނީ ރ. އުނގޫފާރު، ބ. އޭދަފުށި، ޅ. ނައިފަރު، ފ. ނިލަންދޫ އަދި ލ. ފޮނަދޫއިންނެވެ. މީގެ ތެރެއިން ފޮނަދޫ ކައުންސިލްގެ ހުރިހާ ގޮނޑިއެއް ޕީއެންސީން ކާމިޔާބުކުރިއިރު، ދ. ކުޑަހުވަދޫގެ މެޖޯރިޓީ ލިބުނީ އިދިކޮޅު އެމްޑީޕީއަށެވެ. އަދި އދ. މަހިބަދޫ ކައުންސިލްގެ މެޖޯރިޓީ އެއްވެސް ޕާޓީއަކަށް ލިބިފައެއް ނުވެއެވެ. މި އާބަން ސެންޓަރުތަކަކީ ރާއްޖޭގެ އުތުރާއި ދެކުނުގެ އިތުރުން މެދުތެރޭގައި އެންމެ މަތީ ފެންވަރުގެ ހިދުމަތްތައް ގާއިމްކުރުމަށް ރައީސް ކަނޑައަޅުއްވާފައިވާ ރަށްތަކެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0