Read Time:2 Minute, 16 Second
މަޖީދީމަގުގައި ހުންނަ ނަލަހިޔާ ރެސިޑެންސްގެ އެޕާޓްމަންޓަކުން ހަތަރު މިލިއަން ރުފިޔާ ވަގަށް ނެގި މައްސަލާގައި ހައްޔަރުކުރި އިސްމާއިލް އާސިފަކީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި އަދަބު ލުއިކޮށްދީގެން މިނިވަންކޮށްފައިވާ މީހެކެވެ. މާރާމާރީގެ މައްސަލައެއްގައި 2022 ވަނަ އަހަރު އޭނާގެ މައްޗަށް އިއްވި 10 އަހަރުގެ ޖަލު ހުކުމް ތަންފީޒުކުރަމުން ދަނިކޮށް، ރައީސަށް ލިބިވަޑައިގަންނަވާ ގާނޫނީ އިހުތިޔާރުގެ ދަށުން ހުކުމުގެ ބާކީ އޮތް މުއްދަތު ފަސް ދުވަހަށް ކުރުކޮށްދެއްވުމުން އޭނާ ވަނީ މިދިޔަ އަހަރުގެ ސެޕްޓެމްބަރު މަހު މިނިވަންވެފަ އެވެ.
އާސިފް މިފަހަރު ހައްޔަރުކުރީ އޭނާގެ ބޭބެ، ވިޔަފާރިވެރިޔާ އިބްރާހިމް އަހުމަދު (މަނިކު ސޭޓު) އުމްރާއަށް ގޮސް އުޅުނު ދަނޑިވަޅެއްގައި އެ ގޭގެ ތިޖޫރީން ހަތަރު މިލިއަން ރުފިޔާ ވަގަށް ނެގި ތުހުމަތުގަ އެވެ. މި ވައްކަމުގައި އާސިފާއެކު އިތުރު ތިން މީހަކު ވެސް ވަނީ ހައްޔަރުކޮށްފަ އެވެ. ފުލުހުން ބުނާ ގޮތުގައި މި މައްސަލައިގެ ތަހުގީގު މިހާރު ވަނީ ނިމުމަކާ ގާތްވެފަ އެވެ. އާސިފަކީ މީގެ ކުރިން ވެސް ތަކުރާރުކޮށް މާރާމާރީ އާއި އެކި ކުށްތަކުގައި ހައްޔަރުކޮށްފައިވާ، ކުށުގެ ރެކޯޑް އޮންނަ މީހެކެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0