Read Time:2 Minute, 21 Second
(ފޮޓޯ ކްރެޑިޓްސް: ވީއެމްސީ)
މެދުއިރުމަތީގެ ހަމަނުޖެހުންތަކުގެ ސަބަބުން ރާއްޖޭގެ ފަތުރުވެރިކަމަށް ކުރިމަތިވާ ގޮންޖެހުންތަކުން އަރައިގަތުމަށްޓަކައި، މި ސިނާއަތް ސިންދަފާތުކޮށް އިސްލާހީ ބަދަލުތައް އަވަސްކުރުމަށް ވިޒިޓް މޯލްޑިވްސްގެ ޗެއާޕާސަން އަބްދުﷲ ގިޔާސް ގޮވާލައްވައިފިއެވެ. ޕާޓާއާ ގުޅިގެން ބޭއްވި ވެބިނާގައި އޭނާ ފާހަގަކުރެއްވި ގޮތުގައި، ރާއްޖެއަކީ މެދުއިރުމަތީގެ އޭވިއޭޝަން ހަބްތަކަށް ބަރޯސާވާ ގައުމަކަށް ވުމުން މި ހަމަނުޖެހުންތަކުގެ އަސަރު ރާއްޖެއަށް އަންނަ ފަތުރުވެރިންގެ އަދަދަށާއި އާމްދަނީއަށް ދަނީ ކުރަމުންނެވެ. އެހެންކަމުން، އެއާލައިންތަކާއި ހިއްސާދާރުންނާ ގުޅިގެން ދަތުރުފަތުރުގެ ގުޅުންތައް ދަމަހައްޓައި، ޕްރިމިއަމް ދާއިރާތަކަށް މާކެޓް ފުޅާކުރުން މުހިންމެވެ. މި ވެބިނާގައި ތަޖުރިބާކާރުން ވަނީ ޗައިނާ މާކެޓް ކުރިއެރުވުމުގެ ފުރުސަތުތަކާއި، ތެލުގެ އަގަށް އަންނަ ބަދަލުތަކާ ބެހޭގޮތުން މަޝްވަރާކޮށްފައެވެ. ދުނިޔޭގެ ފަތުރުވެރިކަމަށް ބޮޑެތި ގެއްލުންތަކެއް ވަމުންދާ މި ދަނޑިވަޅުގައި، ރާއްޖޭގެ އިގްތިސާދު ހިމާޔަތްކުރުމަށް ބައިނަލްއަގުވާމީ ފެންވަރުގައި މާކެޓިން ހަރަކާތްތައް ވަރުގަދަކުރުމަށް ވިޒިޓް މޯލްޑިވްސްއިން ދަނީ މަސައްކަތް ކުރަމުންނެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0