Read Time:2 Minute, 15 Second
(ފޮޓޯ ކްރެޑިޓްސް: ރައީސް އޮފީސް)
ލަންކާ ބަނދަރުގައި ތާށިވެފައި ހުރި ރާއްޖެއަށް ގެންނަންޖެހޭ ކޮންޓެއިނަރުތައް ކްލިއާކޮށް، މުދާ ގެނައުމުގެ މަސައްކަތް ހަލުވިކަމާއެކު ކުރިއަށްދާކަމަށް އިޤްތިޞާދީ ވަޒީރު މުހައްމަދު ސައީދު ވިދާޅުވެއްޖެއެވެ. އެމްޕީއެލް، އެސްޓީއޯ އަދި އެމްއެސްއެސް ގުޅިގެން ކުރި މަސައްކަތުން، ލަންކާގައި ހުރި 4,241 ކޮންޓެއިނަރުގެ ތެރެއިން މިހާރު ބާކީ ހުރީ 1,741 ކޮންޓެއިނަރެވެ. އަދި ކުރިއަށް އޮތް މަދު ދުވަސްކޮޅެއްގެ ތެރޭގައި އިތުރު 2,500 ކޮންޓެއިނަރު ރާއްޖެއަށް އަންނާނެއެވެ.
މިއަހަރުގެ ފުރަތަމަ ކުއާޓަރުގައި އިމްޕޯޓް 19 އިންސައްތަ އިތުރުވެފައިވަނީ އިގްތިސާދީ ކުރިއެރުމާއި، ފަތުރުވެރިން ގިނަވުމާއި ރަމަޟާން މަހާ ގުޅިގެންނެވެ. އަސާސީ ކާބޯތަކެތި ހުސްނުވެ ލިބޭނެކަން ކަށަވަރުކުރުމަށްޓަކައި ޗައިނާ، އިންޑިއާ އަދި ތައިލެންޑް ހިމެނޭހެން 7 މާކެޓަކުން މުދާ ގެނައުމުގެ އިންތިޒާމުތައް ފޮރިން މިނިސްޓްރީއާ ގުޅިގެން ސަރުކާރުން ދަނީ ހަމަޖައްސަމުންނެވެ. މީގެ އިތުރުން ވައިގެ މަގުން މުދާ އެތެރެކުރުން އިތުރުވެފައިވާއިރު، ތެލާއި ފްރޯޒަން މުދާ ލިބުމުގައިވެސް އެއްވެސް ދަތިކަމެއް ނެތްކަން ވަޒީރު ފާހަގަކުރެއްވިއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0