Read Time:1 Minute, 46 Second
ތ. ގާދިއްފުށީގެ ބިން ހިއްކުމުގެ އަމަލީ މަސައްކަތް އެމް.އޭ.ސީ.އެލް އިން މިހާރު ވަނީ ފަށާފައެވެ. ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވައުދުވެވަޑައިގެންފައިވާ މި މަޝްރޫޢުގެ ދަށުން 110.5 މިލިއަން ރުފިޔާ ހޭދަކޮށްގެން 10 ދުވަސް ތެރޭގައި 11 ހެކްޓަރުގެ ބިން ހިއްކުމަށް ވަނީ ހަމަޖެހިފައެވެ. މި މަސައްކަތާ އެކު ރަށުގެ ގޮނޑުދޮށް ހިމާޔަތްކުރުމަށް ބޮޑުހިލައިގެ ރިވެޓްމަންޓާއި ބްރޭކްވޯޓަރ ޖެހުން ފަދަ މަސައްކަތްތައް ވެސް ކުރިއަށްދާނެއެވެ. މި މަޝްރޫޢަކީ ރަށަށް ދިމާވެފައިވާ ބިމުގެ ދަތިކަމަށް ހައްލެއް ހޯދައިދީ، އިޤްތިޞާދީ އަދި އިޖްތިމާޢީ ކުރިއެރުން ގެނައުމަށް ސަރުކާރުން ހިންގާ މުހިންމު މަސައްކަތެކެވެ. މީގެ އިތުރުން ބަނދަރު ތަރައްޤީކުރުމާއި، ސިއްޚީ މަރުކަޒު ބޮޑުކުރުމާއި، ކައުންސިލް އިމާރާތާއި ކުޅިވަރު ވަސީލަތްތައް ތަރައްޤީކުރުމުގެ މަސައްކަތްތައް ވެސް އެ ރަށުގައި ކުރިއަށް ގެންދިއުމަށް ވަނީ ނިންމާފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0