Read Time:2 Minute, 8 Second
(ފޮޓޯ ކްރެޑިޓްސް: އިސްލާމިކް މިނިސްޓްރީ)
މިއަދުގެ ހުކުރު ޚުޠުބާގައި އަލިއަޅުވާލާފައިވަނީ އިސްލާމްދީނުގައި ޙުރުމަތްތެރިވެގެންވާ ހަތަރު މައްސަރުގެ މަތިވެރިކަމުގެ މައްޗަށެވެ. އެއީ ޛުލްޤަޢިދާ، ޛުލްޙިއްޖާ، މުޙައްރަމް އަދި ރަޖަބު މަހެވެ. މި މައްސަރުތަކުގައި ކުރާ ހެޔޮ އަމަލުތަކުގެ ދަރުމަ އިތުރުވެގެންވާއިރު، ކުރާ ފާފަތަކުގެ ނުބައިކަމާއި ފާފަވެރިކަންވެސް ބޮޑުވެގެންވާކަން ޚުޠުބާގައި ފާހަގަކުރެއްވިއެވެ.
މާތް ﷲ ޙަރާމްކުރައްވާފައިވާ ކަންކަމަށް އަރައިގަނެ އަމިއްލަ ނަފުސަށް އަނިޔާވެރިނުވުމަށް އިރުޝާދު ދެއްވަމުން، މި މައްސަރުތަކުގައި އަޅުކަމުގައި ހީވާގިވުމަށް ވަނީ ގޮވާލައްވާފައެވެ. އެގޮތުން ޛިކުރުކުރުމާއި، ދުޢާކުރުމާއި، ޤުރްއާން ކިޔެވުމާއި، ރޯދަހިފުމާއި، ޞަދަޤާތްދިނުން ފަދަ ހެޔޮ އަމަލުތައް ގިނަކުރުމަށް ނަސޭހަތްތެރިވެފައިވެއެވެ. ހަމައެއާއެކު، ދޮގުހެދުމާއި، ޣީބަބުނުމާއި، މީހުންނަށް އޭދެތެރެ ޖެއްސުން ފަދަ ނުބައި އަމަލުތަކުން ދުރުހެލިވެ، މާތް ﷲގެ ރުހިވޮޑިގަތުމާއި ސުވަރުގެ ހާސިލުކުރުމަށް ގަދައަޅައި މަސައްކަތްކުރުމަށް ޚުޠުބާގައި ބާރުއަޅުއްވާފައިވެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0