Read Time:1 Minute, 49 Second
(ފޮޓޯ ކްރެޑިޓްސް: ރައީސް އޮފީސް)
2021 ވަނަ އަހަރު ދައުލަތުން ނެގި 500 މިލިޔަން އެމެރިކާ ޑޮލަރުގެ ސުކޫކާއި އޭގެ ކޫޕަން ޕޭމަންޓަށްވާ 24.68 މިލިޔަން ޑޮލަރު މިމަހުގެ 2 ވަނަ ދުވަހު ދައްކާ ޚަލާސްކުރުމާ ގުޅިގެން، ރާއްޖޭގެ މާލީ ހާލަތު ރަނގަޅުވެފައިވާ ކަމަށް މާލީ ވުޒާރާއިން ހާމަކުރައްވައިފިއެވެ. މި ފައިސާ ދައްކާފައިވަނީ ސޮވެރިން ޑިވެލޮޕްމަންޓް ފަންޑާއި ބޭރު ފައިސާގެ ރިޒާވް ބޭނުންކޮށްގެން ކަމަށްވާއިރު، މިއީ ދަރަނި މެނޭޖްކުރުމަށް އެޅުނު މުހިންމު ފިޔަވަޅެއްގެ ގޮތުގައި އެ ވުޒާރާއިން ސިފަކުރެއެވެ. މިއަހަރުގެ އެޕްރީލް 2 އާ ހަމައަށް ދައުލަތަށް ލިބުނު އާމްދަނީ 12.4 ބިލިޔަން ރުފިޔާއަށް އަރާފައިވާއިރު، މިއީ މިދިޔަ އަހަރާ އަޅާބަލާއިރު 11.6 އިންސައްތައިގެ ކުރިއެރުމެކެވެ. މީގެ އިތުރުން ޓެކްސް އާމްދަނީއަށް ލިބުނު ބޮޑު ކުރިއެރުމާއެކު ބަޖެޓުގެ ސާޕްލަސް 2.3 ބިލިޔަން ރުފިޔާއަށް އިތުރުވެ، ދަރަނި އަނބުރާ ދެއްކުމުގެ ޤާބިލުކަން ވަނީ ވަރުގަދަވެފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0