Read Time:1 Minute, 54 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ ހުރިހާ ރަށެއްގައި ބޭންކް އޮފް މޯލްޑިވްސްގެ އޭޓީއެމް ޚިދުމަތް ގާއިމުކުރުމަށް ސަރުކާރުން ފެށި މަޝްރޫއުގެ ދަށުން، ވަރަށް ކުރު މުއްދަތެއްގެ ތެރޭގައި ބޮޑެތި ކުރިއެރުންތަކެއް ވަނީ ހޯދާފައެވެ. އެގޮތުން 9 މަސްދުވަހުގެ ތެރޭގައި 105 ރަށެއްގައި އޭޓީއެމް ބަހައްޓާފައިވާއިރު، މިހާރު ރާއްޖޭގެ މީހުން ދިރިއުޅޭ ހުރިހާ ރަށެއްގައި ޖުމްލަ 340 އޭޓީއެމް މެދުވެރިކޮށް ޚިދުމަތް ދެމުންދެއެވެ. މީގެ އިތުރުން ރައީސުލްޖުމްހޫރިއްޔާގެ ވަޢުދުފުޅާ އެއްގޮތަށް 70 ރަށެއްގައި ޑޮލަރު އޭޓީއެމް ވެސް ވަނީ ގާއިމުކޮށްފައެވެ. މި ޚިދުމަތް ފުޅާވުމާ ގުޅިގެން ރައްޔިތުންނަށް އަމިއްލަ ރަށުގައި ތިބެގެން ފައިސާ ނެގުމާއި ޖަމާކުރުމުގެ ފުރުސަތު ލިބި، ބޭންކިން މުއާމަލާތްތައް ކުރާ މިންވަރު ވަނީ ވަރަށް ބޮޑަށް އިތުރުވެފައެވެ. އެގޮތުން 2025 ވަނަ އަހަރު އޭޓީއެމްތައް މެދުވެރިކޮށް 17.1 ބިލިޔަން ރުފިޔާ ޖަމާކޮށް، 8.4 މިލިޔަން މުއާމަލާތް ކޮށްފައިވާކަން ބޭންކުން ފާހަގަކުރެއެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0