Read Time:2 Minute, 27 Second
(ފޮޓޯ ކްރެޑިޓްސް: ރައީސް އޮފީސް)
ރާއްޖޭގެ ޞިއްޙީ ނިޒާމަކީ ރައްޔިތުންގެ އިތުބާރު އޮތް ހަރުދަނާ ނިޒާމަކަށް ހެދުމަށްޓަކައި، ޒަމާނީ ސައިންސާއި ޓެކްނޮލޮޖީއަށް ބަރޯސާވެ މި ދާއިރާއަށް ކުރާ އިންވެސްޓްމަންޓްތައް އިތުރުކުރުމަކީ ސަރުކާރުގެ މުހިއްމު އަމާޒެއް ކަމަށް ޞިއްޙީ ވަޒީރު ޢަބްދުﷲ ނާޡިމް އިބްރާހީމް ވިދާޅުވެއްޖެއެވެ. ދުނިޔޭގެ ޞިއްޙަތު ދުވަހުގެ މުނާސަބަތުގައި ދެއްވި ޚިޠާބުގައި ވަޒީރު ފާހަގަކުރެއްވީ، ބަލިތަކުން ރައްކާތެރިވުމާއި ފަރުވާދިނުމުގައި ސައިންސާއި ދިރާސާތަކުގެ ބޭނުން ހިފުމަކީ ކޮވިޑް-19 ފަދަ ބަލިމަޑުކަންކަމުން އަރައިގަތުމުގައިވެސް ރާއްޖެއަށް ލިބުނު ބޮޑު ކާމިޔާބީއެއް ކަމަށެވެ.
ވަޒީރު އިތުރަށް ވިދާޅުވި ގޮތުގައި، ޕްރައިމަރީ ހެލްތު ކެއަރ އާއި ޓެލެމެޑިސިން ފަދަ ސަރުކާރުގެ ޞިއްޙީ ސިޔާސަތުތައް ބިނާވެފައިވަނީ ސާބިތުހިފޭ ފަންނީ ހޯދުންތަކުގެ މައްޗަށެވެ. އަދި ޚިދުމަތުގެ ފެންވަރު ރަނގަޅުކޮށް، ރައްކާތެރިކަން ކަށަވަރުކުރުމަށްޓަކައި އައު ވަސީލަތްތައް ހޯދުމާއި މީހުން ބިނާކުރުމަށް ސަރުކާރުން ބޮޑު އިސްކަމެއް ދޭނެއެވެ. މީގެ ބޭނުމަކީ ޞިއްޙީ ނިޒާމުގެ ތަރައްޤީއަށްޓަކައި ކުރާ މަސައްކަތްތައް ހަލުއިކޮށް، ދިވެހި ރައްޔިތުންނަށް ފަސޭހަކަމާއެކު ފެންވަރު ރަނގަޅު ޚިދުމަތް ލިބޭނެ މަގު ތަނަވަސްކޮށްދިނުމެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0