Read Time:1 Minute, 51 Second
(ފޮޓޯ ކްރެޑިޓްސް: ރައީސް އޮފީސް)
ދައުލަތުގެ ޚަރަދުތައް ކުޑަކުރުމަށްޓަކައި ޚާއްސަ ޕްލޭނެއް އެކުލަވާލައި، ކުރިއަށް އޮތް ހަފުތާއެއްގެ ތެރޭގައި ރައީސުލްޖުމްހޫރިއްޔާއަށް ހުށަހަޅުއްވާނެ ކަމަށް މާލީ ވަޒީރު މޫސާ ޒަމީރު ވަނީ ވިދާޅުވެފައެވެ. މި ޕްލޭނުގެ ދަށުން ރިކަރަންޓު ޚަރަދުތައް ހިފެހެއްޓުމަށާއި، އައު ވަޒީފާތަކަށް މީހުން ނެގުން މަޑުޖައްސާލުމުގެ އިތުރުން، ސަރުކާރުގެ ރަސްމީ ދަތުރުތައް މަދުކޮށް އޮންލައިންކޮށް ބައްދަލުވުންތައް ބޭއްވުމަށް ވަނީ ނިންމާފައެވެ. ވަޒީރު ފާހަގަކުރެއްވި ގޮތުގައި، މިހާރު ހުރި މާލީ ގޮންޖެހުންތަކާއެކު ބަޖެޓު ޑެފިސިޓް 8 ބިލިޔަން ރުފިޔާއަށް އަރާނެ ކަމަށް އަންދާޒާ ކުރެވޭތީ، މި ފިޔަވަޅުތަކަކީ ކޮންމެހެން މުހިންމު ފިޔަވަޅުތަކެކެވެ. ނަމަވެސް، ޚަރަދު ކުޑަކުރުމުގައި ސިއްޙީ ދާއިރާ، ބޯހިޔާވަހިކަން އަދި ރައްޔިތުންނަށް ދޭންޖެހޭ އަސާސީ ޚިދުމަތްތަކަށް އެއްވެސް ބުރޫއެއް ނާންނާނެ ކަމުގެ ޔަގީންކަން ސަރުކާރުން ވަނީ ދީފައެވެ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0